MANILA – Habang ipinagdiriwang ng bansa ang 30th National Children’s Month, ang Department of Social Welfare and Development noong Huwebes ay nanawagan ng suporta habang pinaiigting ng gobyerno ang mga pagsisikap na protektahan ang kalusugan ng isip ng mga kabataan.
Kasama ang Council for the Welfare of Children (CWC) at ang National Youth Commission (NYC), pangungunahan ng welfare department ngayong taon ang National Children’s Month (NCM) na may temang “Kalusugan, Kaisipan at Kapakanan ng Bawat Bata Ating Tutukan”, na naglalayong unahin ang pagkakaroon ng mga interbensyon na susuporta sa mental health at pangkalahatang kagalingan ng mga batang Pilipino.
Ang mga ulat mula sa National Center for Mental Health Crisis Hotline ay nagpakita na 9.7 porsiyento ng kabuuang bilang ng mga tawag na natanggap nito ay may kinalaman sa pagpapakamatay at marami sa kanila ay nagmula sa mga menor de edad na dulot ng pagbu-bully, kalungkutan, anxiety, stress na dulot ng mga problema sa pamilya, mga alalahanin sa akademiko, at iba pa.
Sa pagdiriwang ng NCM noong nakaraang taon, napag-alaman na ang mental health ay isa sa mga kritikal na isyu na ibinanggit ng mga batang kalahok sa learning and consultation session na sinimulan ng mga organizer.
Sa pagdiriwang ngayong taon, ang kagawaran at ang mga katuwang nito ay naghanda ng mga aktibidad na tututok sa pagbibigay ng mental support para sa mga bata. Kabilang dito ang paglulunsad ng CWC MAKABATA helpline at Play Toolkit ng National Play Advocacy Week Partner.
Itatampok din sa pagdiriwang ang muling paglulunsad ng Sarilaysay at Eroplanong Papel mental health literary pieces, na naglalayong tulungan ang mga bata na makayanan ang mga pagbabagong dulot ng pandemya.
Susundan ito ng paglulunsad ng mga video documentaries sa mga kwento ng tagumpay ng mga local government units sa child participation at ang functionality ng kani-kanilang Local Council for the Protection of Children.
Sa ilalim ng Republic Act 10661, ang buwan ng Nobyembre ay idineklara bilang NCM upang gunitain ang paglulunsad ng Convention on the Rights of the Child (CRC) ng United Nations General Assembly noong Nobyembre 20, 1989.
Ang Pilipinas ay isang signatory sa CRC, na siyang unang umiiral na unibersal na kasunduan na nakatuon lamang sa proteksyon at pagtataguyod ng mga karapatan ng mga bata.
