MANILA — Nagtala ang Department of Health (DOH) nitong Lunes ng 1,099 bagong kaso ng Covid-19, kaya umabot na sa 4,004,465 ang bilang ng mga kaso sa buong bansa.

Lumabas sa datos ng DOH na mayroong 20,227 na aktibong kaso ng COVID.

Umabot sa 3,920,164 ang mga pasyenteng gumaling sa viral disease. Ang bilang ng mga namatay ay nasa 64,074.

Sa nakalipas na dalawang linggo, naitala ng National Capital Region ang pinakamataas na bilang ng kaso ng COVID na may 5,106 na sinundan ng Calabarzon na may 3,170, Central Luzon na may 1,855, Western Visayas na may 1,713 at Davao Region na may 1,186.

Noong Oktubre 30, sinabi ng DOH na umabot sa 31,362,440 ang kabuuang bilang ng mga taong nagpasuri para sa COVID.