MANILA – Ipinahayag ni Pangulong Ferdinand “Bongbong” Marcos Jr. nitong Huwebes na ang kanyang administrasyon ay nakatuon sa pagtataas ng profile at pagpapabuti ng mga kondisyon sa pagtatrabaho ng mga nars dito at sa ibang bansa.
Ginawa niya ang pangakong ito sa isang talumpati sa kanyang pagdalo sa 100th anniversary celebration ng Philippine Nurses Association, Inc. sa The Manila Hotel.
“As part of our goal to raise the profile and improve the working condition of nurses, we seek to address the disparity in salaries between government hospitals with those in the private sector,” wika niya.
“Also, we must address the uneven distribution of nurses in different areas around the country. In order to do that, we have to address issues related to health facilities, benefits, and security of tenure,” dagdag niya.
Inamin ni Marcos na ang kasalukuyang suweldo ng mga nars sa Pilipinas ay kailangang itaas, ngunit binanggit na ang gobyerno ay maaaring wala pang magagamit na pondo upang matugunan ito.
“Medyo hirap tayo sa pondo ngayon, kaya’t sa ngayon ganyan lang muna. Pero palagay ko…binibuhay nyo ang may sakit e, ibang usapan yan. Mahirap lagyan ng balor, ng dolyar, ng piso yung trabahong ginagawa ninyo,” wika niya
Binanggit niya na ang kanyang opisina ay “palaging bukas” sa pag-uusap upang matugunan ang mga isyu tungkol sa mga nars at mga kaalyadong propesyonal sa pangangalagang pangkalusugan.
Nangako rin si Marcos na magbubukas ng higit pang mga slots sa deployment ng mga nars sa ibang bansa habang nagsusumikap na mapabuti ang mga oportunidad sa domestic.
Sa usapin ng batas, suportado ni Marcos ang pagpasa ng House Bill 9389 o ang New Philippine Nursing Practice Act” na kamakailan ay inaprubahan ng House of Representatives sa pinal na pagbasa at isusumite sa Senado para sa aksyon.
“I have taken special note of the clamor to address issues in the nursing profession by the passage of the New Philippine Nursing Practice Act. This Executive Department together with Congress will work with you to achieve these goals,” wika niya.
Noong Agosto 19, sinabi ni Marcos na nakapagbigay na ang gobyerno ng kabuuang PHP25.82 bilyon na halaga ng mga benepisyo sa mga healthcare worker, lalo na sa mga nars.
Kabilang dito ang hazard duty pay, Covid-19 sickness at death compensation, pagkain, accommodation at transportation allowance, life insurance, special risk allowance, at ang One Covid-19 allowance.
Mga programa para sa mga nars
Sinabi ni Marcos na magpapatuloy din ang pamahalaan sa mga programang sumusuporta sa patuloy na pag-unlad ng mga Filipino nurses tulad ng Nursing Certification program na nagpapalakas at nagpapatunay sa kakayahan ng ating mga nars sa iba’t ibang specialty areas.
Aniya na ang Primary Care Workers Certification program, na nagbibigay ng eligibility requirements, standard competencies, training mechanisms, at certification processes na nagtitiyak ng karampatang at de-kalidad na kawani para sa ating healthcare system, ay iaalok din.
Sinabi ni Marcos na susuportahan din nila ang Leadership Development Courses for Public Health Nurses na naglalayong bigyan ng kapasidad ang mga nars na magbigay ng de-kalidad na serbisyong pangkalusugan at maging mga skilled leaders at managers.
Ang In-Service Post-Graduate Scholarship Program, na magpapahusay sa kakayahan ng mga nars sa pamamagitan ng pormal na edukasyon, at ang E-learning program, na nagbibigay ng free access, patuloy na professional development, at mga akreditadong kurso sa maraming disiplina ng pag-aaral, ay magpapatuloy din ipagkakaloob.
Habag at kabaitan ng mga nars na Pilipino
Samantala, pinuri ni Marcos at nagpahayag ng pasasalamat sa mga sakripisyo at kontribusyon ng lahat ng Filipino nurses.
Sa pagsasalita mula sa kanyang sariling karanasan matapos magkasakit ng Covid-19 ng dalawang beses, sinabi ni Marcos na nasaksihan niya kung paano itinaya ng mga Pilipinong nars ang kanilang buhay para alagaan ang mga maysakit at pinili pa nilang hindi na bumalik sa kanilang mga tahanan upang maiwasan ang pagkalat ng virus sa kanilang mga pamilya.
“During my fight against Covid-19, I benefited from the able and healing hands of competent Filipino nurses. because of you, and this I cannot stress more, because of you and the sacrifices that you made knowing that there is a risk involved, but because of that sacrifice, because of that compassion, because of that professionalism our nation has survived the most difficult moments of this pandemic,” wika niya.
Sinabi niya na ang mga Pilipinong nars ay namumukod-tangi sa iba hindi lamang para sa kanilang kakayahan at dedikasyon, ngunit para sa kanilang “pagkamahabagin at kabaitan.”
“Marami namang magaling diyan ngunit kahit yung mga foreigner hinahanap nila, mas gusto nila na ang nag-aalaga sa kanila mga Pilipino na nurse. At hindi naman kataka-taka dahil kapag alagaan ka ng Pilipino na nurse gagaling ka talaga,” aniya.
Sinabi rin niya na isang kasiyahang dumalo sa ika-100 anibersaryo ng PNA dahil ang kanyang ama, ang yumaong Pangulong Ferdinand Marcos Sr., ay dumalo rin sa golden anniversary ng asosasyon.
Itinatag noong 1922, ang asosasyon ay itinatag upang itaguyod ang propesyonal na paglago tungo sa pagkamit ng pinakamataas na pamantayan ng pag-aalaga.
Ang pagdiriwang ng anibersaryo ay kasabay ng 65th Nurses’ Week Celebration at ang National Annual Convention 2022 nito.
