MANILA — Inilagay ng PAGASA nitong Lunes ng umaga ang 12 mga lugar sa Luzon sa ilalim ng Tropical Cyclone Wind Signal No. 1 dahil sa tropical depression Florita.
Huling namataan si ‘Florita’ sa layong 310 kilometro silangan ng Casiguran Aurora, na may lakas na hanging 55 kilometro bawat oras at pagbugsong aabot sa 70 kilometro bawat oras.
Kumikilos ang tropical depression pakanluran timog-kanluran sa bilis na 20 kph.
Itinaas ng PAGASA ang Signal No. 1 sa mga sumusunod na lugar:
- Cagayan
- Isabela
- Quirino
- Nueva Vizcaya
- Apayao
- Abra
- Kalinga
- Mountain Province
- Ifugao
- Ilocos Norte
- Ilocos Sur
- Hilagang bahagi ng Aurora (Dilasag, Casiguran, Dinalungan, Dipaculao)
Ang mga lugar sa ilalim ng Signal No. 1 ay maaaring makaranas ng hangin sa pagitan ng 30 at 60 kph sa loob ng hindi bababa sa 36 na oras o paputol-putol na pag-ulan sa loob ng parehong yugto ng panahon.
Malamang na gagalaw si ‘Florita’ pakanluran-timog-kanluran o pakanluran sa susunod na 12 oras bago lumiko pakanluran-hilagang-kanluran o hilagang-kanluran ngayong hapon o gabi, isinaad ng PAGASA.
Inaasahan pa rin itong magla-landfall “sa paligid ng silangang baybayin ng Cagayan o northern Isabela” sa Martes ng hapon, Agosto 23.
“Afterwards, the center of Florita will traverse the Babuyan Channel and may pass close or make landfall in the vicinity of Babuyan Islands tomorrow evening (Aug. 23) or early morning of Wednesday (Aug. 24) before emerging over the West Philippine Sea,” iniulat ng PAGASA.
Idinagdag nito na ang weather disturbance ay maaaring lumakas pa at maging isang tropikal na bagyo sa Lunes.
“There is a potential for slight weakening as Florita crosses the northern portion of northern Luzon due to frictional effects of the rugged terrain, but the tropical cyclone will likely remain a tropical storm throughout the passage over land,” isinaad ng PAGASA.
