MANILA – Ang Kapulungan ng mga Kinatawan noong Martes ay lumikha ng isang espesyal na komite na naatasang harapin ang mga patakaran at programa na may kaugnayan sa produksyon, paggamit, at pag-iingat ng enerhiyang nukleyar.
Sa plenary session, ginawa ni Senior Deputy Majority Leader Sandro Marcos ang mosyon para likhain ang Special Committee on Nuclear Energy.
Ang panel, na binubuo ng 25 miyembro, ay pangungunahan ni Pangasinan Rep. Mark Cojuangco.
Tututukan din ng komite ang pagpapaunlad ng imprastraktura ng nuclear power, gayundin ang pakikipag-ugnayan ng iba pang pinagkukunan ng enerhiya sa nuclear energy bilang isang mapagkakatiwalaan, cost-competitive, at environment-friendly energy source upang matiyak ang seguridad ng enerhiya na naaayon sa pambansang interes at ang policy of freedom ng estado mula sa mga sandatang nuklear.
Sa kanyang manifestation, ipinaliwanag ni Cojuangco na ang nuclear energy ay isang energy source na mura, malinis, at maaasahan, anuman ang kondisyon ng panahon.
Tiniyak niya na gagawin ng kanyang komite ang bahagi nito sa pagpapaalam sa publiko sa kahusayan at benepisyo ng nuclear energy, gayundin sa paggawa ng mga hakbang na maaaring magbigay para sa pagtatayo ng mga nuclear power plant sa bansa.
Samantala, binago ng Kamara ang hurisdiksyon ng Committee on Energy, “All matters directly and principally relating to the exploration, development, utilization or conservation of energy resources, including the development and utilization of alternative and renewable energy sources and the entities involved in energy or power generation, transmission, distribution, and supply, excluding nuclear energy and its sources and infrastructures.”
Ang paglikha ng espesyal na komite ay naaayon sa agenda ni Pangulong Ferdinand Marcos Jr. na pagtatayo ng mga bagong planta ng kuryente sa susunod na anim na taon ng kanyang administrasyon.
Sa kanyang State of the Nation Address noong Hulyo, muling iginiit ni Marcos ang kanyang naunang posisyon na panahon na upang muling suriin ang estratehiya ng gobyerno sa pagtatayo ng mga nuclear power plant sa Pilipinas.
“In the area of nuclear power, there have been new technologies developed that allow smaller scale modular nuclear plants and other derivations thereof,” aniya.
“We will comply, of course, with the International Atomic Energy Agency (IAEA) regulations for nuclear power plants as they have been strengthened after Fukushima.”
