MANILA – Nahaharap sa “high expectations” ang papasok na Pangulo na si Ferdinand “Bongbong” Marcos Jr. na gaganap siya nang maayos sa kanyang unang 100 araw sa panunungkulan, ayon sa pinakabagong survey ng PUBLiCUS Asia Inc.
Sa 2022 PAHAYAG Second Quarter Survey (2022 PQ2) na ginanap mula Hunyo 16 hanggang 22, 68 porsiyento ng mga respondent ang nagsabing inaasahan nilang “mahusay” o “napakahusay” ang pagganap ni Marcos Jr. sa kanyang unang 100 araw bilang pangulo.
Hindi bababa sa 14 na porsiyento ang nagsabing inaasahan nila na siya ay gaganap nang “mahina” o “napakahina” habang 11 na porsiyento ang nagsabi na inaasahan nila na ang papasok na pangulo ay magsagawa ng “hindi mahina o mahusay” at 7 porsiyento ay hindi sigurado.
“Our survey suggests that roughly two out of three Filipinos expect President Bongbong Marcos to perform well during the first 100 days of his presidency. President Marcos Jr. will have to hit the ground running from Day One to live up to these high expectations,” wika ni Atty. Aureli Sinsuat, executive director ng PUBLiCUS, sa isang news release noong Miyerkules.
Niraranggo rin ng mga respondent ang ekonomiya, trabaho, at edukasyon bilang tatlong nangungunang isyu na dapat pagtuunan ng pansin ni Marcos.
“Economic development, job creation, and education reform are not issues that can be completely addressed over the course of 100 days. However, public perception on the Marcos Jr. administration could be expected to remain relatively positive if these top-of-mind issues are prioritized by the incoming president and his team during their first few months in office,” wika ni Sinsuat.
Nabanggit din ni Sinsuat na ang pagpapatuloy ng limang landmark na programa ng administrasyong Duterte ay nakakuha ng mayorya ng suporta sa mga survey respondents.
Pitumpu’t siyam na porsyento ng mga respondent ang nagsabing aprub sila sa pagpapatuloy ng “Build, Build, Build”, ang pinakamataas na rating ng pag-apruba na nakarehistro sa 14 na isyu na sinuri sa survey.
May 73 porsiyento ang nagsabing sinusuportahan nila ang pagpapatuloy ng “digmaan laban sa ilegal na droga”, habang 68 porsiyento ang sumusuporta sa pagpapatuloy ng “independent foreign policy”.
Lumabas din sa survey na 64 porsiyento ng mga respondent ang nagsabing sinusuportahan nila ang pagpapatuloy ng “BARMM (Bangsamoro Autonomous Region in Muslim Mindanao) transition” habang ang pagpapatuloy ng National Task Force to End Local Communist Armed Conflict (NTF-ELCAC) ay nakakuha ng approval rating ng 56 porsiyento.
“Considering President Duterte’s enduring popularity, it is not surprising that a significant majority of respondents support the continuation of his flagship programs,” wika ni Sinsuat.
“While the level of policy continuity between the outgoing and incoming administrations remains to be seen, it is reasonable to believe that public opinion on the Marcos Jr. administration will be influenced, at least in part, by its ability to continue and improve upon at least some of the Duterte administration’s more popular flagship programs,” dagdag ni Sinsuat.
Ang 1,500 rehistradong Filipino voter respondents na lumahok sa 2022 PAHAYAG Second Quarter Survey ay random na na-sample ng PureSpectrum, isang US-based panel marketplace na may multinational presence, mula sa kanilang pambansang panel na may higit sa 200,000 Pilipino.
Ang margin ng error sa malawak na sample ay +/- 3 porsiyento.
