MANILA – Tataas sa PHP11 ang minimum fare sa public utility jeepneys (PUJs) sa buong bansa simula Biyernes matapos pagbigyan ng Land Transportation Franchising and Regulatory Board (LTFRB) ang petisyon ng mga public transport groups.

Sa isang order na inilabas noong Miyerkules, sinabi ng LTFRB na ang bagong minimum na pamasahe ay naaangkop sa unang apat na kilometro, na walang pagtaas sa mga susunod na kilometro.

Para sa mga modernong PUJ, itinaas ang minimum fare sa PHP13 para sa unang apat na kilometro.

“All PUJ services are directed to grant to qualified senior citizens utilizing their services a fare discount of not less than 20 percent of the approved provisionally increased/discounted fares upon presentation of their senior citizen identification cards,” ayon sa order.

Ang mga estudyante at may kapansanan, aniya, ay may karapatan din sa parehong diskwento na PHP2.2 sa mga PUJ at PHP2.6 sa mga modernong PUJ araw-araw.

“All PUJ operators shall post a notice of fare increase inside their public utility vehicles that would be conspicuously seen by the riding public,” isinaad nito.

Sinabi nito na walang pagtaas sa rate na nakolekta o rebisyon sa umiiral na fare matrix.

Nauna rito, ang public transport groups kabilang ang 1-United Transport Koalisyon (1-UTAK), Pangkalahatang Sanggunian Manila & Suburbs Drivers Association Nationwide Inc. (PASANG MASDA), Alliance of Transport Operators and Drivers Association of the Philippines (ALTODAP) at Alliance of Concerned Transport Organizations (ACTO) ay nagpetisyon sa LTFRB para sa pagtaas ng pamasahe sa mga PUJ dahil sa patuloy na pagtaas ng presyo ng gasolina sa buong mundo.

Nakasaad sa kanilang petisyon na noong huling beses na itinaas ang minimum fare sa PHP10, ang presyo ng diesel ay PHP48.90 kada litro noong Oktubre 2018, kumpara sa PHP81.25 kada litro batay sa Department of Energy (DOE) Oil Price Monitor na may petsang Hunyo 8.