MANILA – May kabuuang walong flight sa pagitan ng Manila at Singapore at South Korea na nakatakda sana sa Linggo ang na-reschedule sa Lunes dahil sa aktibidad ng Bulkang Bulusan.
Naitala ng Manila International Airport Authority (MIAA) ang mga sumusunod na apektadong international flights:
* Jeju Air (7C) 2305 – Incheon-Manila
* 7C 2306 – Manila-Incheon
* Jetstar Asia (3K) – 1765 Singapore-Manila
* 3K 1766 – Manila-Singapore
* Asiana Airlines (OZ) – 703 Incheon-Manila
* OZ 704 – Manila-Incheon
* Korean Air (KE) – 623 Incheon-Manila
* KE 624 – Manila-Incheon
Nitong 10:53 a.m. ng Lunes, sinabi ng MIAA na walang karagdagang flights sa Manila ang apektado.
Ang Philippine Institute of Volcanology and Seismology (Phivolcs) noong Linggo ay nagtala ng panibagong phreatic eruption na tumagal ng 18 minuto.
Ang aktibidad ng bulkan na ito ay nag-udyok sa mga airline na kanselahin ang ilang mga domestic at international flight sa buong araw.
Pinayuhan ng Phivolcs ang mga piloto na iwasang lumipad malapit sa tuktok ng bulkan dahil ang abo mula sa biglaang phreatic eruption ay maaaring mapanganib sa sasakyang panghimpapawid.
