MANILA – Ipinahayag ng kampo ni Vice President Leni Robredo nitong Martes na wala silang anumang pagtutol sa pagsasama ng lahat ng certificates of canvass (COCs) sa pag-tally ng mga boto para sa pangulo sa nakaraang May 9 na halalan.
Sa pag-canvass ng Kongreso ng mga boto para sa presidential at vice presidential race, inulit ng election counsel ni Robredo na si Atty. Romulo Macalintal ang dating pahayag ng bise presidente na “tanggapin ang desisyon ng nakararami”.
“In her public statement, VP Leni Robredo asked her supporters that we need to accept the decision of the majority. Sinabi niya, bagaman may hindi pa nabibilang, bagaman may mga tanong ukol sa eleksyon na ito na kailangang matugunan, palinaw na ng palinaw ang tinig ng taumbayan,” wika ni Macalintal.
Sinabi niya sa Kongreso, na nagpulong bilang National Board of Canvassers, ang pag-waive ng kampo ni Robredo sa kanilang pagharap sa mga paglilitis.
“And with that continuing manifestation your honors may we be allowed to respectfully waive our appearance before this joint committee to further expedite its proceedings,” dagdag niya.
Pinasalamatan ni Atty. Vic Rodriguez, ang tagapagsalita ng presumptive president Ferdinand “Bongbong” Marcos Jr., si Robredo para sa kanyang pagkilala sa integridad ng resulta ng presidential elections.
“We join in the manifestation of my distinguished colleague and one of the election law practitioners, Atty. Romulo “Romymac” Macalintal. Likewise, we would like to recognize and thank the patriotism exhibited by Vice President Leni Robredo for expressly recognizing the integrity and the result of the recently-concluded general elections,” wika ni Rodriguez.
Batay sa hindi opisyal na tally ng Commission on Elections, si Marcos ay nanalo matapos makakuha ng mahigit 31 milyong boto habang si Robredo ay nakakuha ng 14.81 milyong boto sa pagkapangulo.
Positive development
Malugod na tinanggap ng Malacañang nitong Martes ang desisyon ng kampo ni Robredo na pabilisin ang canvassing ng boto.
“The decision of the camp of Vice President Ma. Leonor ‘Leni’ Robredo to expedite the canvassing of votes for President is a positive development,” wika ni acting presidential spokesperson at Communications Secretary Martin Andanar sa isang pahayag.
Inulit niya ang kanyang panawagan sa lahat ng kandidato sa pulitika na igalang ang resulta ng halalan.
“As we earlier articulated, let us respect the outcome of the election and give chance to the winning candidates to fulfill their campaign platform,” dagdag niya.
Sa isang pampublikong talumpati noong Mayo 12, sinabi ni Duterte na kumbinsido siya na walang dayaan o iba pang iregularidad sa pagboto sa mga kamakailang halalan.
Gayunpaman, hinimok niya ang Commission on Elections (Comelec) na imbestigahan ang mga alegasyon ng dayaan kabilang ang 2,000 vote-counting machines (VCMs) na nag-malfunction.
