MANILA — Ipinahayag ng Japan na inaasahan nitong makipagtulungan sa bagong administrasyon na mamamahala sa Pilipinas pagkatapos ng halalan.
Nagpahayag sa Twitter nitong Miyerkules si Japanese Ambassador Kazuhiko Koshikawa na umaasa siyang makatrabaho ang bagong administrasyon sa pagpapalakas ng ugnayan sa pagitan ng kanyang bansa at Pilipinas.
Binati rin ni Koshikawa ang Pilipinas sa pagsasagawa ng pambansang halalan, na tinawag itong isang mahusay na paggamit ng demokrasya.
Ang kanyang pahayag ay naiiba sa mga pahayag ng China sa halalan sa Pilipinas, kung saan direkta nitong binati ang mga pinuno sa bahagyang at hindi opisyal na mga resulta — si Ferdinand “Bongbong” Marcos Jr. at ang kanyang running mate, Sara Duterte- Carpio.
“China congratulates the Philippines on the smooth presidential election. Our congratulations also go to the leading candidates,” wika ng foreign ministry spokesperson ng China na si Zhao Lijian noong Miyerkules.
Ang Estados Unidos, sa pamamagitan si State Department Secretary Antony Blinken, ay bumati kay Marcos sa kanyang pagkahalal bilang susunod na pangulo ng Pilipinas.
Sa isang komentaryo, sinabi ng Fitch Solutions na “malamang na ipagpatuloy ni Marcos ang mga pang-ekonomiyang interes ng bansa at ipapanatili ang maselan na pagkilos sa pagbabalanse sa US at China.”
