MANILA – Ayon sa isang political analyst, nakakagulat ang pangunguna ni Robin Padilla sa pagkasenador ngayong taon.

Sa programang “Hatol ng Bayan 2022” na ipinalabas sa state-run PTV-4, sinabi ng OCTA Research fellow na si Ranjit Rye na hindi nila masabi ang eksaktong dahilan kung bakit si Padilla ang naging top choice sa mga senatorial candidates.

“Mahirap. Pinag-aaralan din namin kasi sa aming survey, hindi ho siya ang lumabas na number one but he was on the top 10,” sabi ni Rye, isang political science professor sa University of the Philippines.

Patuloy na pinamunuan ni Padilla ang senatorial race, ayon sa partial at unofficial count of votes na inilabas ng Parish Pastoral Council for Responsible Voting (PPCRV).

Ang datos mula sa PPCRV ay nagpakita na si Padilla ay nakakuha ng 26,385,249 na boto noong 8:17 p.m. sa Martes.

Sinundan ni Padilla si House Deputy Speaker Loren Legarda, na nagbabalak na makabalik sa Senado, na may 23,939,235 na boto, at ang broadcaster na si Raffy Tulfo, na may 23,123,060 na boto.

Inamin ni Rye na inaasahan ng OCTA Research na si Legarda o si Tulfo ang magiging top pick sa senatorial race.

Aniya, ilang salik, kabilang ang kasikatan ni Padilla at “malakas” na suporta ni Pangulong Rodrigo Roa Duterte, ang nakatulong sa aktor na manguna sa pagka-senador.

“I believe maraming factors contributed to his win. He was very strongly supported by the administration, by the President. He was also strongly supported by other candidates,” wika ni Rye. “He’s also an actor. He’s very popular.“

Idinagdag ni Rye na si Padilla, bilang isang Muslim, ay lubos na iginagalang sa kanyang komunidad.

Ipinahayag din niya na malinaw na umaalingawngaw sa maraming tao ang mensahe ni Padilla sa publiko.

“That is also added to his votes. So, there are many reasons why Robin Padilla shot up to number one,” aniya.