MANILA – Ipinahayag noong Linggo ni Pangulong Rodrigo R. Duterte na papasanin ng susunod na administrasyon ang bigat ng pagtaas ng presyo ng langis dulot ng patuloy na labanan ng Russia-Ukraine.

Sa kanyang talumpati sa Clark, Pampanga, binalaan ni Duterte ang kanyang kahalili na paghandaan ang posibilidad na ang pagtitindi ng tensyon sa pagitan ng dalawang bansa ay maaaring magresulta sa pagtaas ng presyo ng langis.

“Talagang magdaan tayo ng hirap kaya nagpasalamat ako sa Diyos na magtapos na ako. Bilisan na lang niya ang mga araw kasi kawawa talaga itong susunod tingnan ninyo. Hindi na hihinto ‘yan. Every day, the prices will increase and increase and increase until we can have a stable situation in the whole, lahat ng countries, dito sa Pilipinas, maka-recover,” aniya sa kanyang talumpati sa Clark, Pampanga.

Sinabi ni Duterte na ang digmaang Russia-Ukraine ay nanganganib na maging isa sa attrisyon kung saan sinisikap ng bawat panig na mapagod ang isa.

“Iyong giyera ngayon, it will not end. It’s an attrition. Iyong patagalan na shooting each other there,” dagdag niya. 

Nagtaas siya ng mga alalahanin na ang hidwaan sa pagitan ng Russia at Ukraine ay hahantong sa digmaang nuklear.

“‘Pag nuclear na, wala na tayong pag-usapan, wala na tayong i-import pati… Bakit man kayo? Tapos na man lahat,” aniya. 

Umapela din si Duterte sa mga transport group na nagsasagawa ng mga protesta sa pagtaas ng presyo ng petrolyo na lubusang unawain ang mga salik na nagtutulak sa pagtaas ng presyo ng langis.

“Every time that you complain and go into a demonstration, just make sure that you realize and understand the importance of oil and how it would affect all nations,” wika niya. 

Nauna nang sinabi ni Duterte na ang pagsalakay ng Russia sa Ukraine ay nararapat sa “pagkondena”, na naglalarawan sa patuloy na armadong tunggalian bilang “napaka-brutal”.

Ayon sa Malacañang, nakikiisa ang Pilipinas sa buong mundo sa pagdarasal para sa “maaga at mapayapang” resolusyon sa hidwaan ng dalawang bansa.