MANILA – Ang state-run show kung saan tampok si Pangulong Rodrigo Duterte na nakikipagpanayam sa mga kandidato sa pagkasenador na kanyang inendorso para sa May 2022 election ay bahagi ng information dissemination drive ng pambansang pamahalaan.
Tampok sa unang episode ng “The President’s Chatroom” na ipinalabas noong Sabado ng gabi ang dalawang senatorial candidate ng Partido Demokratiko Pilipino-Lakas ng Bayan (PDP-Laban), dating Presidential Anti-Corruption Commission Chair Greco Belgica at House Deputy Speaker Rodante Marcoleta.
“The President’s Chatroom aims to introduce certain senatorial candidates and their platforms to the wider Filipino audience,” wika ni Presidential Communications Operations Office (PCOO) Secretary Martin Andanar sa isang press statement.
Aniya, makikinabang ang mga manonood kung malaman nila ang mga kandidatong personal na inendorso ni Duterte.
“This forms part of the government information dissemination drive about the 2022 elections and candidates whom President Rodrigo Roa Duterte earlier vowed to personally campaign for, and once they get elected, would ensure continuity of the policies and programs of the current administration,” dagdag niya.
Inilunsad ng People’s Television Network, Inc., sa pakikipagtulungan ng Commission on Elections at PCOO, ang “The Chatroom” noong nakaraang buwan upang ipaalam sa publiko ang mga platform at agenda ng mga kandidato.
Nakapanayam na ni Andanar ang mga kandidato sa pagkapangulo na sina Ferdinand Marcos Jr., Senador Manny Pacquiao, Ernesto Abella, at maging ang kilalang kritiko ng gobyerno na si Leody de Guzman.
Ang vice presidential bet na si Dr. Willie Ong at iba pang tumatakbo sa Senado ay nakasama na rin sa “The Chatroom”.
Sa grand proclamation rally ng PDP-Laban sa Lapu-Lapu City, Cebu noong Marso 31, inendorso ni Duterte ang 17 senatorial candidate, kabilang ang anim sa pitong senatorial candidate ng partido.
Maliban kay former Agrarian Reform Secretary John Castriciones, nagpahayag ng suporta si Duterte para sa broadcaster na si Rey Langit, aktor Robin Padilla, former presidential legal counsel at spokesperson Salvador Panelo, at former Commission on Filipinos Overseas Executive Director Astra Pimentel.
Inendorso din ng Pangulo sina Antique Rep. Loren Legarda, Taguig Rep. Alan Peter Cayetano, magkapatid at dating senador na sina JV Ejercito at Jinggoy Estrada, Sorsogon Gov. Francis Escudero, former Information and Communications Technology secretary Gregorio Honasan, former presidential spokesperson Harry Roque, former Defense Defense. secretary Gilbert Teodoro, dating Public Works secretary Mark Villar, at reelectionist Senators Joel Villanueva at Juan Miguel Zubiri.
Siyam sa 17 kandidato ay kabilang din sa senatorial lineup ng UniTeam coalition ng standard bearer Ferdinand “Bongbong” Marcos Jr. at running mate na si Sara Duterte, na sina Estrada, Honasan, Legarda, Marcoleta, Padilla, Roque, Teodoro, Villar, at Zubiri .
