MANILA – Nilagdaan na ni Pangulong Rodrigo Duterte ang Executive Order (EO) 164 na kasama na ngayon ang potensyal ng nuclear power sa energy mix ng bansa.
Inilabas noong Huwebes, ang EO 164 ay nilagdaan ng Chief Executive noong Pebrero 28.
“This policy is the start of the national nuclear power program,” wika ni Department of Energy (DOE) Undersecretary Gerardo Erguiza Jr. sa isang press conference.
Sa ilalim ng bagong patakaran, ito ay nakasaad na ang bansa “ay titiyakin ang mapayapang paggamit ng teknolohiyang nuklear na nakaangkla sa mga kritikal na prinsipyo ng kaligtasan ng publiko, pambansang seguridad, energy self-sufficiency, at pagpapanatili ng kapaligiran”.
Inilabas ni Duterte ang patakaran kasunod ng rekomendasyon ng Nuclear Energy Program Inter-Agency Committee (NEP-IAC), na nagsagawa ng pre-feasibility study at pampublikong konsultasyon sa usapin.
Sa pamamagitan ng EO 164, kinilala ng Chief Executive na ang nuclear power ay maaaring maging reliable, cost-competitive, at environment-friendly na pagmumulan ng enerhiya batay sa karanasan ng mga mauunlad na bansa.
“For the country to achieve its sustained growth targets, it must ensure that it has a reliable, secure, sustainable, quality and affordable electricity supply, including sufficient reserve to guarantee that there will be no disruptions in the power supply,” ayon sa polisiya.
Idinagdag nito na ang paggamit ng nuclear energy ay tutugon sa tumataas na pangangailangan para sa malinis na enerhiya, na tumataas ng 4.4 porsyento taun-taon, o isang karagdagang kapasidad na 68 gigawatts sa 2040.
Isinama pa rin ng EO ang Bataan Nuclear Power Plant (BNPP) sa national nuclear program, ngunit iba pang nuclear power installations ang hahabulin.
Ang BNPP ay ang tanging nuclear power plant sa rehiyon noong 1980s, dahil ang Pilipinas ay isa sa mga unang bansa sa Southeast Asia na nagsimula sa isang nuclear energy program.
Gayunpaman, ang proyekto ay nahinto dahil sa mga paratang sa katiwalian at mga alalahanin sa kaligtasan sa paggamit ng nuclear energy.
Ang isang pag-aaral na isinagawa ng Russia State Atomic Energy Corporation (ROSATOM) noong 2017 ay nagsabi na ang rehabilitasyon ng BNPP ay mangangailangan ng humigit-kumulang USD3 bilyon hanggang USD4 bilyon.
Ang publiko ay nagiging mas bukas din sa potensyal ng nuclear energy.
“(A) Public Perception Survey on Nuclear Energy in 2019 indicated that almost 79 percent of Filipinos expressed approval or acceptability of the possible use or rehabilitation of an existing nuclear power plant,” ayon sa EO.
Ipinapakita sa parehong survey na 65 porsiyento ay inaprubahan ang pagtatayo ng mga bagong nuclear power plant at 78 porsiyento ay bukas sa pag-aaral ng higit pa tungkol sa nuclear energy.
