MANILA – Inaasahan ng Estados Unidos ang mas malapit na kooperasyong pang-ekonomiya sa Pilipinas habang ang dalawang bansa ay nagpaplano para sa hinaharap pagkatapos ng pandemya.

Sa isang economic briefing na pinangunahan ng Philippine Embassy sa Washington D.C. noong Huwebes ng gabi, sinabi ng US Embassy Chargé d’Affaires Heather Variava na maaaring magsimulang magtrabaho ang dalawang bansa sa mga bagong larangan ng kooperasyon, kabilang ang clean energy, information technology, at supply chain resilience.

Sa enerhiya, magsisimula ang US sa pamamagitan ng pagpapadali sa pangmatagalang paglipat palayo sa fossil fuel, sinabi ni Variava habang kinikilala niya ang kahalagahan ng paggiging affordable, accessible, at sustainable sources ng clean energy.

Sinabi ni Variava na ito ay partikular na makikinabang sa mga bansang apektado ng klima, kabilang ang Pilipinas.

Nakahanda rin ang Embahada na ikonekta ang mga kumpanya ng US at Pilipinas na nakatutok sa solar, wind, at geothermal power development, bukod sa iba pa.

Sinabi ni Variava na makikipagtulungan din ang US sa mga awtoridad ng Pilipinas para “maglagay ng mga pundasyon” para sa ligtas at maaasahang pagbuo ng nuclear energy.

“As we look ahead toward the post-pandemic global economy, our continued partnership on a range of economic issues would become increasingly important. We look forward to engaging our partners in the Philippines to strengthen this collaboration,” wika niya.

Ang Philippine Ambassador sa US na si Jose Manuel Romualdez, sa kanyang bahagi, ay nagsabi na ipagpapatuloy ng Manila ang kasalukuyan nitong mga prayoridad sa climate change at clean energy transition, kabilang ang pagpapahusay sa partisipasyon nito sa global supply chain at pagpapabuti ng digital economy environment nito.

“We are seeking engagements with the United States on these economic priorities that will help transform the economy as these sectors are expected to grow in the coming years,” aniya.

“The United States has also signified its willingness to assist the Philippines in pursuing its energy transition from coal to clean energy, including nuclear energy,” dagdag niya.

Halos dalawang taon sa pandemya, sinabi ni Romualdez na ang ekonomiya ng Pilipinas ay “talagang handa” para sa pagbangon.

Binanggit ang Philippine economic team, sinabi ng Filipino diplomat na ang gross domestic product (GDP) ay malamang na babalik sa pre-pandemic levels simula ngayong taon, na suportado ng malakas na 5.6 porsyentong full-year GDP growth noong nakaraang taon.