KYIV, Ukraine — Sinabi ng pangulo ng Ukraine nitong Biyernes na ang kanyang bansa ay naiwan na mag-isa upang labanan ang Russia matapos maglunsad ang Kremlin ng malakihang pagsalakay na pumatay sa 130 Ukrainians sa unang araw.

“We have been left alone to defend our state,” wika ni Volodymyr Zelensky sa isang video address sa bansa pagkatapos ng hatinggabi. 

“Who is ready to fight alongside us? I don’t see anyone. Who is ready to give Ukraine a guarantee of NATO membership? Everyone is afraid,” dagdag niya. 

Sinabi ni Zelensky na 137 Ukrainians, parehong mga tauhan ng militar at sibilyan, ang napatay mula nang magsimula ang pag-atake noong Huwebes.

Isa pang 316 ang nasugatan, aniya.

Sinabi rin ni Zelensky na ang mga “sabotage group” ng Russia ay pumasok sa kabisera ng Kyiv, at hinimok ang mga mamamayan ng lungsod na manatiling mapagbantay at sundin ang curfew. 

Idinagdag ng pangulo na siya at ang kanyang pamilya ay nanatili sa Ukraine, sa kabila ng pagtukoy sa kanya ng Russia bilang “target number one”. 

“They want to destroy Ukraine politically by taking down the head of state,” wika ni Zelensky.