MANILA – Ang state insurer na Philippine Health Insurance Corp. (PhilHealth) ay tatanggap ng halos PHP80 bilyong subsidy na inilaan sa ilalim ng panukalang PHP5.02-trillion sa 2022 national budget, ayon sa isang party-list lawmaker.

Sa isang pahayag noong Martes, sinabi ni Anakalusugan Party-list Rep Mike Defensor na ang PhilHealth subsidy sa susunod na taon na nagkakahalaga ng PHP79,990,995,000 ay PHPP8.368 bilyon na mas mataas kaysa sa PHP71.353-bilyong subsidy ngayong taon.

Sinabi ni Defensor na ang pagtaas ng taxpayer subsidy ay magbibigay ng mas maraming insurance coverage para sa mga vulnerable sectors ng populasyon, na bahagi rin ng mandato ng universal health care program.

“The money is for the insurance coverage of millions of so-called indirect contributors, including indigent citizens, the elderly, and unemployed persons with disability,” aniya.

Sinabi niya na bukod sa taunang suporta sa badyet nito, ang PhilHealth ay kumukolekta ng mahigit PHP100 bilyon mula sa milyun-milyong manggagawa mula sa pribado at pampublikong sektor.

“So, the state health insurer will have more than PHP180 billion next year for health services for its members,” wika niya.

Ang PhilHealth ay kasalukuyang mayroong hindi pagkakaunawaan sa ilang mga ospital dahil sa bilyon-bilyong unpaid claims.

Hinimok ni Defensor ang insurer at mga ospital na lutasin ang kanilang alitan sa pamamagitan ng diyalogo, partikular sa PhilHealth na nangangasiwa sa pagbabayad ng mga lehitimong claims habang nagbabantay laban sa mga kwestyonable at mapanlinlang na pagsusumite.

“This has been a recurring problem. The two sides should agree on a common solution that protects the interests of honest health facilities and medical practitioners, on one hand, and taxpayers and PhilHealth members, on the other,” aniya.