MANILA – Nanawagan si Pangulong Rodrigo R. Duterte nitong Martes sa publiko na tularan ang kabayanihan ni Gat Andres Bonifacio bilang “gabay” sa pagharap sa mga hamon ng bansa, kabilang ang coronavirus disease (Covid-19) pandemic.
Sa kanyang talumpati sa Pinaglabanan Shrine sa San Juan City, binigyang-diin ni Duterte ang kahalagahan ng pag-alala sa kabayanihan ni Bonifacio habang patuloy itong nagbibigay ng pag-asa, determinasyon, at optimismo para sa henerasyon ngayon ng mga Pilipino.
“The bravery and patriotism of Gat Andres Bonifacio and many of our forebears who fought against foreign dominators must serve as our guiding post in beating the odds that hinder our progress as a people and as a nation,” aniya.
Inilarawan ni Duterte ang kaganapan bilang isang patuloy na paalala sa mga kontribusyon at sakripisyo ni Bonifacio at iba pang pambansang bayani, sa pagbibigay daan para sa kalayaan.
Hinikayat niya ang mga Pilipino na tularan si Bonifacio sa pamamagitan ng aktibong pakikilahok sa mga pagsisikap para sa nation-building, lalo na sa “mga mahirap na panahon kung kailan kailangan nating tiyakin ang kalusugan, kaligtasan, at kagalingan ng ating bansa”.
“In this light, I call on our kababayans to emulate Gat Andres Bonifacio’s strong sense of civic duty, courage, love of country in our daily lives even in the simplest ways,” idinagdag niya.
Dapat aniyang ibigay ng mga Pilipino ang lahat ng kanilang makakaya para sa kapakanan ng bayan at bansa.
Samantala, binati ni Duterte ang San Juan City sa matagumpay na pagho-host ng pagdiriwang sa Pinaglabanan Shrine, na may mahalagang papel sa hangarin ng Katipunan para sa kalayaan ng Pilipinas.
“What makes this year’s celebration of Bonifacio Day even more special are the newly restored El Deposito Underground Reservoir and the new diorama exhibit at the Museo ng Katipunan, which showcases the historical Battle of San Juan del Monte,” wika niya.
Pinasalamatan din ng Pangulo ang National Historical Commission of the Philippines sa pagsasagawa ng restoration at rehabilitation ng historical at cultural landmarks, at binanggit na ang mga ito ay “nagbibigay sa bagong henerasyon ng mga Pilipino ng isang sulyap sa ating mahaba at makulay na kasaysayan at pamana”.
“Indeed, remembering historical events such as these (is) vital to enriching our understanding and appreciation for our nation’s culture,” aniya.
Para kay Duterte, ang muling pagbisita at pagpupugay sa nakaraan ay magbibigay ng mas malakas na pagkamakabayan sa kasalukuyan at sa hinaharap na henerasyon ng mga Pilipino.
“May it also ignite in our hearts the collective will to respond to societal ills and challenges, such as poverty, insurgency, terrorism, corruption, illegal drugs, and the Covid-19 pandemic for our nation’s progress and development. May this desire propel our nation towards justice, prosperity, a comfortable life for all Filipinos, and our recovery as one nation,” idinagdag niya.
Hindi tulad ng ibang pambansang bayani, inaalala si Bonifacio sa kanyang kaarawan, Nobyembre 30, 1863, kaysa sa petsa ng kanyang kamatayan, Mayo 10, 1897, nang siya ay binitay ng kapwa Pilipino.
Ang Proclamation 1107, na nilagdaan ni Duterte noong Pebrero 26, ay nagdeklara ng Bonifacio Day bilang isang regular holiday.
