MANILA – Inihayag ni Justice Secretary Menardo Guevarra nitong Huwebes na hindi sapilitan ang pagbabakuna sa mga manggagawa laban sa coronavirus disease 2019 (Covid-19) bilang karagdagang requirement sa pagtatrabaho.

Sa isang mensahe sa mga mamamahayag, sinabi ni Guevarra na ang usapin ay dinala sa huling pagpupulong ng Inter-Agency Task Force for the Management of Emerging Infectious Diseases (IATF).

“I clarified this during the IATF meeting last Tuesday. I emphasized that the Covid-19 Vaccination Program Act of 2021 (Republic Act 11525) was clear on the non-compulsory nature of vaccination as an additional requirement for employment. Unless amended or modified by Congress, it is the existing and applicable law,” wika ni Guevarra.

Idinagdag niya na sa pagpupulong, lahat ng miyembrong ahensya ng IATF ay “duly advised” sa legal na posisyon ng DOJ sa usapin.

Sa kabila ng pagliban ni Secretary Silvestre Bello III sa pagpupulong noong Martes, sinabi ni Guevarra na ang kinatawan ng Department of Labor and Employment (DOLE) ay nararapat na magbigay ng pansin sa payo ng DOJ at sinabing ihaayon nito ang mga pahayag ng patakaran nito, bilang pagsunod sa batas.

Mula Oktubre 25 hanggang 27, si Bello at iba pang labor officials ng Pilipinas ay dumalo sa isang pulong ng mga labor ministers mula sa ibang mga bansa sa Middle Eastern, na pinangunahan ng United Arab Emirates.

Itinakda ng Republic Act 11525 na ang mga vaccine card ay hindi dapat ituring bilang karagdagang mandatoryong pangangailangan para sa edukasyon, trabaho, at iba pang government transaction purposes at dapat na walang bayad at primarily digital ngunit maaaring magamit bilang printed cards.