MANILA – Ipinahayag ni Pangulong Rodrigo R. Duterte noong Martes ng gabi na kung ang mga bakuna sa Covid-19 ay hindi epektibo, malamang na mas maraming bilang na ang namamatay.
Ito ay habang hinihimok niya ang publiko na huwag pumili ng mga tatak ng bakuna sa Covid-19 na matatanggap nila, lalo na ang mga bakunang gawa ng Chinese manufacturers.
“Do you know if these vaccines that we have been giving to the population are not really effective and right marami nang patay ngayon,” isinaad niya sa isang prerecorded na Talk to the People.
Ipinaalala muli ni Duterte sa publiko na magpabakuna at binigyang diin na ang proteksyon ng populasyon ang tanging paraan upang matugunan ang kasalukuyang krisis sa kalusugan.
“Huwag kayong mamili kasi talagang ito namang lahat bakuna, okay ‘to,” dagdag niya.
Pinasalamatan din niya ang mga gobyerno ng Japan at United States of America sa pagbibigay ng halos 2 milyong dosis ng bakunang Covid-19, upang mapalakas ang supply ng bansa.
“We thank the Japanese government for their donation of close to 2 million doses of life-saving vaccines. Indeed, Japan is a friend closer than a brother ready to help in times of need,” aniya.
Itinuring niya ang paghahatid ng bakunang Covid-19 ng US bilang katibayan ng ”lakas ng alyansa ng US-Philippine”.
“Our thanks go also to the United States for providing more than 2 million doses of Covid-19 vaccines delivered through the facility called COVAX. This is the seventh shipment of vaccines from the United States totaling approximately 18 million doses of vaccines,” dagdag niya.
Samantala, nagpahayag ng pag-asa si Duterte na ang mga donasyong bakuna sa Covid-19 ay makakatulong sa bansa upang makamit ang layunin nitong magkaroon ng isang “mas magandang Pasko”.
Nitong Oktubre 18, nakatanggap ang Pilipinas ng higit sa 91.5 milyon na dosis ng bakunang Covid-19. Inaasahang aabot ito sa 104 milyong dosis sa pagtatapos ng Oktubre.
Ang bansa ay nakapamahagi din ng halos 53 milyong bakunang Covid-19, na may 32 porsyento ng populasyon ng may sapat na gulang sa bansa na ganap na nabakunahan.
