MANILA – Nakatakdang magrekomenda ang Department of Transportation (DOTr) sa Inter-Agency Task Force for the Management of Emerging Infectious Diseases (IATF) na pagtaas ng kapasidad ng pasahero sa mga public utility vehicles (PUVs) sa National Capital Region kasunod ng pagbaba ng ng alert level status.

Sa isang panayam sa press noong Lunes, sinabi ng Assistant Secretary ng DOTr na si Steve Pastor na inirerekumenda nila na dagdagan ang kapasidad upang makayanan ang dumaraming bilang ng mga indibidwal na gumagamit ng pampublikong transportasyon.

Sa kasalukuyan, ang maximum na kapasidad ng pasahero ay nasa 50%.

Mula Oktubre 16 hanggang Oktubre 31, ang quarantine status sa NCR ay ibinaba mula sa Alert Level 4 patungo sa mas nakakarelaks na Alert Level 3.

“Tinitignan natin na magtaas ng seating capacity sa public transportation. Bilang tugon sa lumalaking gastusin sa day-to-day operations ng ating operators, and at the same time, this will also address ‘yung matagal na hinihiling ng ating mga kasamahan sa business sector na dapat mas mapalago ang economic activities. We can contribute to that through an increase in public transportation, and their capacity,” wika ni Pastor.

Sinabi ni Pastor na ang pagtaas sa kapasidad ng pasahero ay “makabuluhan,” at ang rekomendasyong isumite sa Inter-Agency Task Force (IATF) ay batay sa mga teknikal at medikal na pag-aaral.

“The increase will be significant. I cannot give the exact figure at this point in time. Sa puntong ito ay inaaral po natin itong mabuti at kumukuha po kami ng relevant data from studies and journals to back up this proposed increase para matulungan po natin ang mga operators and drivers,” aniya.

Idinagdag pa niya na isasaalang-alang din ng kagawaran ang mga safety protocol na mayroon sa mga apektadong yunit ng pamahalaang lokal.

Sinabi ni Pastor na pansamantala, magpapatuloy ang DOTr sa pagsubaybay sa kapasidad ng pasahero sa mga PUV sa gitna ng pandemya.