MANILA – Tiniyak ng Commission on Elections (Comelec) noong Sabado na ito ay kaisa ng gobyerno sa pagtiyak ng mapayapang pagsasagawa ng halalan sa susunod na taon.
Sinabi ng tagapagsalita ng Comelec na si James Jimenez na ang poll body ay nakikipagtulungan sa mga awtoridad upang matiyak na walang karahasan sa mga halalan sa susunod na taon.
“The Comelec shares the President’s sentiment and would like to reassure the public that it works very closely with both the Armed Forces of the Philippines and the Philippine National Police to ensure that the elections are free of violence,” wika ni Jimenez sa isang pahayag.
Inihayag niya na kung mangyari ang mga ganitong sitwasyon, handa silang sakupin ang kontrol sa lugar, ayon sa hinihiling ng batas.
“It should also be noted that, in those instances where violent incidents threaten the integrity of the elections, the poll body has the authority to take such steps as may be necessary to address the situation, including but not limited to the imposition of Comelec control on specific parts of the country,” idinagdag ni Jimenez.
Kasabay nito, sinabi niya na ang mensahe ni Pangulong Rodrigo Duterte ay nagsisilbing paalala sa mga kandidato na tatakbo sa halalan ngayong Mayo 2022 upang maitaguyod ang kapayapaan.
“The President’s call for peaceful elections is a powerful reminder to all would-be candidates and their campaigns, to reject violence,” aniya.
Noong Biyernes, hinimok ni Duterte ang mga Pilipino na gampanan ang papel na gawing mapayapa at walang karahasan sa paggawa ng halalan sa susunod na taon.
Binalaan din niya na maaaring mapilitan siyang “mag-deploy ng militar” upang masiguro ang maayos na pagsasagawa ng halalan.
Ang pag-file ng certificate of candidacy (COC) ng mga pambansa at lokal na kandidato ay itinakda mula Oktubre 1 hanggang 8.
Ang halalan ay nagsisimula sa Enero 9, 2022 at magtatapos sa Hunyo 8, 2022, kung saan magpapataw ang Comelec ng gun ban na nagbabawal sa pagdala, o pagpapadala ng mga baril at iba pang mapanganib na sandata maliban kung may pahintulot.
