MANILA – Inatasan ng Philippine National Police (PNP) chief Gen. Guillermo Eleazar ang Anti-Cybercrime Group (ACG) nitong Martes na makipagtulungan sa Department of Education (DepEd) sa mga ulat ng mga estudyanteng nagdaraya online habang nasa distance learning scheme.

Ito ay nangyari matapos humingi ng tulong si DepEd Secretary Leonor Briones sa mga awtoridad sa pagsisiyasat sa “online kopyahan”.

“Matapos nating marinig ang paghingi ng tulong ni Secretary Liling Briones, kaagad kong inatasan ang aming Anti-Cybercrime Group na makipag-ugnayan sa Department of Education upang alamin kung paano makakatulong ang inyong PNP dito,” sinabi ni Eleazar sa isang pahayag.

Ayon sa paunang ulat, mayroong isang Facebook group kung saan ibinahagi ng mga mag-aaral ang kanilang answer keys sa pagsusulit.

Nagsimula ang School Year 2021-2022 sa kabila ng coronavirus disease 2019 (Covid-19) pandemic, na sinusunod ang distance learning scheme sa mga paaralan sa buong bansa.

Sinabi ni Briones na hindi kukunsintihin ng ahensya ang anumang uri ng pandaraya.

Ang bagay na ito ay kasalukuyang iniimbestigahan ng National Bureau of Investigation.