MANILA – Ipinahayag ng Department of Health (DOH) na ang house-to-house vaccination ay isang mabuting diskarte upang mabakunahan ang mas maraming tao at mabawasan ang dami ng tao sa mga vaccination site.

Sa isang pagtalakay sa Laging Handa, sinabi ni Health Undersecretary Maria Rosario Vergeire na maaaring magpatuloy ang mga local government unit (LGUs) sa house-to-house visit kung mayroon silang mapagkukunan.

“Unang-una, masisiguro natin na hindi magkukumpul-kumpol ang mga tao. Kung mayroon mang iikot hindi na kailangang pumunta pa ang mga kababayan natin sa isang lugar para doon mag-antay mabakunahan. Pangalawa, mas maganda kasi masusuyod natin ang bahay-bahay,” saad niya.

“Maganda po iyang strategy na iyan if LGUs have the resources, maari po nating gawin iyan,” dagdag niya.

Sa Metro Manila, layunin ng mga LGU na magbakuna sa pagitan ng 180,000 hanggang 200,000 katao sa mga lungsod at rehiyon ng munisipyo.

Sa paggawa nito, sinabi ni Vergeire na maaaring mabakunahan ng National Capital Region ang 70 porsyento ng populasyon nito sa Setyembre.

“So ito po ay susuportahan naman ng ating national government at titingnan ho natin kung paano rin natin sila siyempre maga-guide on how we can better do this so that it can be something that can be used for us to protect our citizens from this Delta variant,” sabi niya.

Habang ang rehiyon ay ilalagay sa enhanced community quarantine mula Agosto 6 hanggang 20, tiniyak ni Vergeire na magpapatuloy ang mga pagsisikap sa pagbabakuna.

“So, we will have safe vaccination sites. Itutuloy pa rin natin at actually itataas po natin ang bilang ng dapat mabakunahan para po agad-agad tayo magkaroon ng protection laban sa mga variant,” dagdag niya.

Kasunod sa banta ng nakahahawang Delta variant, na nakahawa ng higit sa 200 katao sa Pilipinas, mas mahigpit na mga hakbang sa community quarantine ang ipinatupad.

Sinabi ni Vergeire na hindi matukoy ng DOH na kung ang Delta variant ay kasalukuyang naililipat sa komunidad hanggang sa mas maraming ebidensya ang nakalap.

“Sa ngayon po, we have the local transmission kung saan nakikita pa po natin ang pagkaka-link ng bawat isang kaso na mayroon tayong genome sequence na positive sa isa’t isa ,” wika niya.

“Darating po tayo diyan sa pagdideklara ng community transmission if we are able to provide evidence already that we cannot link these individuals to each other anymore at saka nakikita na natin na talagang kalat na iyong extent nitong variant na ito,” dagdag niya.