Ang sinumang lalahok sa mass gatherings, na ipinagbabawal ngayong panahon ng Covid-19 pandemic, ay ipakukulong, babala ni Pangulong Rodrigo Duterte sa kanyang taped speech na umere noong Miyerkules.
Ayon sa Pangulo, hahanap siya ng batas na magpapahintulot sa kapulisan upang arestuhin at i-detain ang mga dadalo sa mass gatherings.
Ito ay matapos ihayag ni Interior Secretary Eduardo Año na hindi bababa sa tatlong mass gatherings ang naganap sa NCR Plus – na kinabibilangan ng Metro Manila, Bulacan, Rizal, Cavite, at Laguna.
Ang naturang gatherings ay nangyari sa isang resort sa resort sa Caloocan City kung saan apat ang nagpositibo sa Covid-19; isang pool party sa Quezon City kung saan nahawa ang 54 katao; at isa sa isang ilog sa Bulacan.
“Most of you are committing a crime because you know that after gathering, after swimming together, a lot of you will get positive for COVID-19,” giit ni Duterte.
“It seems you’re ignoring the government’s plea and it’s criminal for you to get COVID-19 and pass it on to another innocent person. It is really a crime,” pagbibigay diin ng Pangulo.
Aniya, “I will look for a suitable law because you are now forcing my hand to get into this thing and control it.”