Inihayag ng National Task Force Against Covid-19 noong Sabado na naglunsad ito ng imbestigasyon hinggil sa naiuulat na pagbebenta ng Covid-19 vaccines at vaccination priority slots sa ilang mga lokalidad.

Sa isang pahayag, binigyang diin ng task force na ang lahat ng bakuna ay libre para sa kwalipikadong mga mamamayan, at ang pagbebenta ng priority slots ay “illegal and punishable by law.”

“The [NTF] is deeply concerned with reports it has received regarding the illicit selling of anti-COVID vaccines. We are investigating this matter,” pahayag ng NTF.

“For those who are engaged in the unauthorized sale of anti-COVID vaccines, we ask you to stop what you are doing. The long arm of the law will soon catch up on you,” babala nito.

Nagpatupad din ang lungsod ng San Juan at Mandaluyong ng kanilang sariling imbestigasyon para sa nasabing modus. Naglipana ang mga ulat sa social media hinggil sa bentahan umano ng slots sa halagang P8,000 hanggang P15,000, depende sa vaccine brand.

Ayon kay Mandaluyong City Mayor Menchie Abalos noong Biyernes, inatasan na niya ang city police chief na makipag-ugnayan sa National Bureau of Investigation.

“An investigation is already underway. Through the NBI, we will know if these are real or dummy online accounts,” pahayag ng alkalde.

“But whether real or fake, they will be answerable to the law,” dagdag pa nito.

Nangako rin si San Juan City Mayor Francis Zamora na aaksyunan ang naturang isyu.

Aniya, “We have reached out to the individual who posted this so we can take necessary actions against this person claiming to have access to our vaccination program for a fee.”