Inaprubahan ni Pangulong Rodrigo Duterte ang isang proyekto na layong taasan ang kita ng local government units (LGUs) sa pamamagitan ng pag-improve sa management ng real property taxes, ayon sa isang dokumentong inilabas noong Miyerkules.
Sa inilabas na Administrative Order No. 40 ng Pangulo, magpapatupad ang pamahalaan ng “series of continuing reforms to strengthen local governance, improve local resource mobilization, and public financial management through a pragmatic approach.”
“The Local Government Reform Project (LGRP), in partnership with the Asian Development Bank, aims to boost local government revenue mobilization through improvements on the administration and management of real property taxes,” ayon kay Duterte.
Ang naturang buwis ay ipapataw sa real properties, tulad ng lupa, buildings, machineries, at iba pang affixed o attached improvements na hindi exempted sa ilalim ng batas.
Lumikha rin ang Pangulo ng isang inter-agency governing board na magtatakda sa policy direction ng nasabing proyekto, at kooperasyon ng mga ahensya at mahahalagang stakeholders.
