Para kay Presidential Spokesperson Harry Roque, maituturing na “modern-day Lapu-Lapu” si Pangulong Rodrigo Duterte, kasabay nang paggunita ng bansa sa ika-500 na anibersaryo ng Labanan sa Mactan.
Tinalo ng mga Pilipino, sa pangunguna ni Lapu-Lapu, ang pangkat ng Portuguese explorer na si Ferdinand Magellan sa isla ng Mactan noong Abril 27, 1521.
“President Rodrigo Roa Duterte is my modern-day Lapu-Lapu, lalong-lalo na po sa kaniyang polisya na independent foreign policy,” giit ni Roque sa isang briefing.
“Ibig sabihin po n’yan kaibigan nating lahat, wala po tayong kaaway, wala po siya sinasantong mga dayuhan,” dagdag pa nito.
