Mariing inabisuhan ng Estados Unidos ang mga mamamayan nito noong Miyerkules na huwag munang magtungo sa Pilipinas dahil sa “high level” na sitwasyon ng Covid-19 sa bansa.
Inisyu ng US Department of State ang Level 4: Do Not Travel restriction alinsunod sa abiso ng in Centers for Disease Control and Prevention.
Kabilang sa updated Level 4 list ang 100 na iba pang mga bansa. Dati, mayroon lamang nasa tatlong dosenang bansa sa Do Not Travel alert ng ahensya – ang pinakamataas sa lahat ng travel advisory levels.
Ayon sa US CDC, hindi dapat bumiyahe sa Pilipinas ang mga mamamayan nito, kahit nabakunahan na, dahil sa kasalukuyang sitwasyon ng Covid-19 sa bansa. Ang mga nakatanggap na ng bakuna ay posibleng makapagkalat ng iba pang Covid-19 variants.
Kung hindi naman maipagpapaliban ang pagpunta sa Pilipinas, hinikayat ng US ang mga mamamayan nitong kumpletuhin muna ang vaccine shots bago bumiyahe.