Naghain ang Senado noong Lunes ng resolusyon na layong hikayatin ang Department of Social Welfare and Development (DSWD) na ilabas ang tinatayang nasa P83-bilyong pondo na magsisilbing ayuda para sa mga biktima ng bagyo at Covid-19.

Inuudyok ng Senate Resolution No. 574 ang DSWD na pabilisin ang disbursement ng mga nasabing pondo dahil “mas kailangan” ito ng mga Pilipino ngayon, ani Senate Majority Leader Juan Miguel Zubiri sa plenaryo.

“Imagine, P83 billion just lying unspent in the government coffers,” giit ng senador.

Dagdag pa nito, “Imagine what P83 billion can do. It will be a mere drop in the bucket for the DSWD to provide urgent financial assistance to affected farmers.”

Sinuportahan naman ni Sen. Aquilino “Koko” Pimentel ang hakbang at sinabing nakasaad sa Bayanihan Act kung paano dapat gastusin ang mga nasabing pondo.

“The direction in where the money should go is very clear,” sabi ni Pimentel.

Tinatayang nasa 75 percent aniya mula sa unreleased na P83 bilyon ang inilaan para sa Pantawid Pamilya Program, ayon naman kay Sen. Imee Marcos, na siyang sponsor sa 2021 budget ng DSWD.

Aniya, “DSWD wanted to clarify this was the last tranche to be paid out.”

Ang natitirang 25 percent ng P83 bilyon ay inilaan naman para sa supplemental feeding program, livelihood projects at social pension ng ahensya.

“They have been so far delayed or unable to distribute it… That’s their explanation,” dagdag pa ni Marcos.

Samantala, hindi naman nakita ni Sen. Richard Gordon ang pangangailangan ng pagpapasa ng resolusyon dahil malaki aniya ang posibilidad na ang mga nabanggit na biktima ay mga benepisyaryo rin ng Pantawid Pamilya Program.

“I don’t mind sharing this [fund],” giit ni Gordon.

Paglilinaw nito, “But we want to check first which areas we are going to use it for. You may have money but if you spent it in a very haphazard manner, we are not helping anybody.”