Lumipad pauwi ng Davao City si Pangulong Rodrigo Duterte nitong weekend, ayon sa Malacañang noong Setyembre 20.

Ipepresenta ng pangulo ang kanyang lingguhang ulat sa publiko mula roon, ani Presidential Spokesperson Harry Roque.

Unang bumalik sa Lungsod ng Davao ang pangulo noong Mayo, matapos ang dalawang buwang pananatili sa Malacañang bunsod ng striktong lockdown dahil sa Covid-19 pandemic.

Nakaugalian na ni Duterte na umuwi tuwing weekend sa Davao City upang makapiling ang kanyang pamilya.