Aabot sa 1,333 na traditional jeepneys ang pinahintulutan na muling magbalik-pasada sa Metro Manila simula Agosto 26.

Inanunsyo ng Land Transportation Franchising and Regulatory Board (LTFRB) noong Agosto 24 na inaprubahan na nito ang pagbabalik-operasyon ng mga traditional jeepneys sa 23 na mga ruta.

Sa inilabas na Memorandum Circular 2020-040, maaari nang pumasada ang mga traditional jeepneys sa mga itinalagang ruta nang walang special permit. Subalit, dapat umanong kumuha ng QR code galing LTFRB ang bawat unit bago makapagsakay ng pasahero.

Ang mga sumusunod na ruta ay bukas na simula Miyerkules, Agosto 26:

T132 Napocor Village/NIA Ville – SM North EDSA

T133 NAPOCOR/NIA Ville – Mindanao Ave. Congressional

T134 Bagbaguin – Malinta

T234 Katipunan – Marcos Ave./University Ave. via UP

T369 Libertad – PRC

T370 Santol – Pina Ave. via Buenos Aires

T371 Blumentritt – Divisoria

T372 Blumentritt – Libertad via Sta. Cruz, L. Guinto

T373 Libertad – Retiro via Mabini, Sta. Cruz, L Guinto

T374 España – Rizal Ave. via Blumenttrit

T375 Blumentritt – Retiro

T376 Arroceros – Blumentritt via Dimasalang

T377 Ayala – P. Burgos/J.P. Rizal

T378 Baclaran – Blumentritt via Mabini, Sta. Cruz

T379 Baclaran – Blumentritt via Quiapo/Mabini

T380 Dapitan – Pier South

T381 Divisoria – Libertad via L. Guinto

T382 Divisoria – Libertad via Mabini

T383 Divisoria – TM Kalaw via Jones Bridge

T384 España – Project 2&3 via Timog Ave.

T385 Project 4 – TM Kalaw via Cubao, E. Rodriguez

T386 Pier South – Retiro via Sta. Cruz

T405 Multinational Village – Gate along Imelda Ave.

Sinabi ng LTFRB na maibabalik nito ang oeprasyon ng 13,776 traditional jeepneys sa 149 na mga ruta dahil ibinalik na ang Metro Manila sa general community quarantine noong nakaraang linggo.

Kasalukuyan namang pumapasada ang 786 modern jeepneys sa 45 na mga ruta, habang 3,696 public utility buses naman ang pumapasada sa 31 na mga ruta.

May 23,776 transport network vehicles naman na nagsasagawa ng operasyon, habang bumibiyahe naman ang 1,621 UV Express units sa 51 na mga ruta.

Ang pagsusuot ng face mask at face shield ay mandatoryo sa lahat ng pampublikong transportasyon.