MANILA – Ayon sa state-run weather agency, hindi bababa sa apat na weather system – shear line, northeast monsoon, easterlies, at localized thunderstorms – ang makakaapekto sa karamihan ng mga lugar sa bansa sa susunod na 24 na oras.
Sinabi ni PAGASA weather specialist Robert Badrina na ang pinagsamang impluwensya ng shear line at easterlies ay nagreresulta sa maulap na kalangitan na may kalat-kalat na pag-ulan at pagkidlat-pagkulog sa Eastern Visayas, Capiz, Aklan, Iloilo, Bicol Region, at Romblon.
Binanggit ng PAGASA forecaster na ang northeast monsoon, na kilala rin bilang “amihan,” ay nakakaapekto sa Metro Manila at sa kabuuan ng Luzon, kung saan maaaring magkaroon ng maulap na kalangitan na may pulu-pulong mahinang pag-ulan.
“It would still be colder nights and mornings, especially over Luzon in the coming days due to amihan,” wika niya.
Sa pagbanggit sa datos at pagsusuri ng PAGASA, sinabi niya na wala silang na-monitor na anumang tropical cyclone o low pressure area sa loob at labas ng area of responsibility ng bansa hanggang nitong weekend.
Ipinahiwatig pa ng state weather bureau na ang easterlies, kasama ng mga localized thunderstorms, ay nagdudulot ng hiwalay na malalakas na pag-ulan o pagkidlat-pagkulog sa buong bansa.
