MANILA — Inihayag ng Manila Electric Co. (Meralco) na maaaring magkaroon ng pagtaas sa singil sa kuryente ngayong Pebrero, na posibleng magmarka ng pangalawang pagtaas mula noong simula ng taon.
“While we have yet to receive all the billings from our suppliers, initial indications show that there may be an upward pressure for electricity bills this month,” sabi ni Joe Zaldarriaga vice president at head of corporate communications ng Meralco.
Aniya, ito ay sanhi ng pagpapatuloy ng pangongolekta ng feed-in tariff allowance at malapit nang maipakita sa pamamagitan ng Energy Regulatory Commission.
Idinagdag ni Zaldarriaga na tataas ang generation charge dahil sa mas mataas na presyo ng gasolina gaya ng imported liquefied natural gas na ginagamit ng gas-fired power plants.
Noong unang bahagi ng Enero, inihayag ng Meralco ang pagtaas ng adjustment na P0.0846 kada kilowatt-hour, kaya ang kabuuang rate ay P11.3430 kada kwh.
Ang rate noong Disyembre 2023 ay nasa P11.2584 kada kwh.
Ang Wholesale Electricity Spot Market (WESM) ay tumaas ng P0.5611 kada kwh kasunod ng mas mataas na average na kapasidad sa outage sa Luzon.
Tumaas din ang Independent Power Producers ng P0.1384 kada kwh dahil sa mas mataas na halaga ng gasolina.
