MANILA – Idineklara ng gobyerno ang “Walang Gutom 2027: Food Stamp Program” bilang pangunahing programa ng Marcos administration.
Ito ang inihayag ng Malacañang batay sa inilabas na Executive Order No. 44 na pangangasiwaan ng Department of Social Welfare and Development (DSWD).
Batay sa EO No. 44, ang DSWD ang magpapatupad at mangangasiwa sa food stamp program sa tulong ng ibang mga ahensiya ng gobyerno para sa episyente at mabilis ba distribusyon ng food stamp sa mga benepisyaryo ng programa.
“The ‘Walang Gutom 2027: Food Stamp Program’ of the DSWD is hereby declared as a flagship program of the national government. The DSWD as the primary government entity responsible for the implementation and management of social welfare development programs in the country shall be the lead implementing agency of the food stamp program,” anang EO.
Layon ng food stamp program na mabawasan ang bilang ng mga nagugutom na pamilyang Pilipino sa pamamagitan ng Electronic Benefit Transfer cards na ibibigay sa mga benepisyaryo para makakuha ng pagkain sa partner merchant stores ng pamahalaan. (Abante)
