MANILA — Sa sabay-sabay na pagho-host ng “Bagong Pilipinas Serbisyo Fair” sa apat na lalawigan – Ilocos Norte, Camarines Sur, Leyte, at Davao de Oro – ang RP-Mission and Development Foundation Inc. (RPMD) ay nasa ground din kasabay ng kanila 3rd quarter “Boses ng Bayan” survey kaya sinuri na rin nila at maingat na nakipag-ugnayan sa mga dadalo gamit ang detalyadong balangkas ng sukatan.
Ayon kay Dr. Paul Martinez, ng RPMD, ang pagsusuri ay nakapaloob sa mga rate ng pagdalo, paggamit ng serbisyo, pagiging epektibo ng paghahatid ng serbisyo, kasiyahan ng kalahok, at accessibility parameters.
Ang pagsusuri ay nagbigay-pansin sa pambihirang satisfaction rate na 90% sa mga dumalo, patunay sa mabisang disenyo at kakayahan ng kaganapan sa pagtugon sa magkakaibang pangangailangan ng mga benepisyaryo nito.
Dahil sa kapansin-pansing tagumpay, taimtim na iminumungkahi ng RPMD kay Pangulong Ferdinand Marcos Jr. na palakasin at maglaan ng mas maraming mapagkukunan sa huwarang inisyatiba na ito, na dagdagan ang pag-abot nito sa mas malawak na spectrum ng mga Pilipino.
Si Ana, isang event attendee at isang interviewee ng RPMD, ay nagpaabot ng malalim na pasasalamat matapos makuha ang mga serbisyo mula sa SSS, Philhealth, at PagIBIG. Nakinabang din siya sa mga serbisyo ng konsultasyon ng DOH, pag-avail ng mga libreng gamot, at nakatanggap ng relief package mula sa DSWD. Sa harap ng napakalaking pagdagsa ng mga kalahok, pinuri niya dahil organized at may probisyon pa ng pagkain para sa lahat. (philstar)
