MANILA — Mataas pa rin ang approval at trust ratings ni Pangulong Ferdinand “Bongbong” Marcos Jr. at Vice President Sara Duterte sa pinakabagong independent at non-commissioned “Boses ng Bayan” nationwide survey ng RP-Mission and Development Foundation Inc. (RPMD).

Ayon kay Dr. Paul Martinez, Executive Director ng RPMD, nakakuha si Pangulong Marcos ng 82% approval at 86% trust ra­tings habang si VP Duterte ay mayroong 86% approval at 90% trust ratings.

Nakuha naman ni Se­nate President Migz Zubiri ang 69% job satisfaction at 71% trust ratings, habang si House Speaker Martin Romualdez ay nakatanggap ng 70% performance at 72% trust ratings.

Sa hanay ng Cabinet officials, nanguna pa rin si DILG Sec. Benhur Abalos Jr. na may 88% at 93% trust ratings. Kasunod sina DSWD Sec. Rex Gatcha­lian, 76% approval at 85% trust; National Security Adviser Eduardo Eduardo Año, 75% approval at 87% trust; Tourism Sec. Christina Garcia-Frasco, 75% approval at 70% trust; DBM Sec. Amenah Pangandaman, 73% approval at 75% trust; DTI Sec. Alfredo Pascual, 71% approval at 65% trust; DICT Sec Ivan John Enrile , 71% approval at 78% trust; DOJ Sec. Jesus Crispin Remulla, 69% approval at 66% trust; at DOF Sec. Benjamin Diokno, 68% approval at 70% trust.

Sa Senado top performing sina Raffy Tulfo (89.4%), Mark Villar (88.6%) at Bong Revilla (88.5%); Francis Tolentino (86.1%), Imee Marcos (86.2%) at Grace Poe (85.8%) na statistically tied sa 2nd place. Nagtabla sina Bong Go (82.7%) at Robin Padilla (82.3%) sa ikatlo, habang 4th place naman sina Chiz Escudero (80.5%) at Loren Legarda (80.2%). Sina Win Gatcha­lian (76.5%), Sonny Angara (75.7%) at Cynthia Villar (75.3%) ay nasa 5th place.

Ayon kay Dr. Martinez, iminumungkahi ng survey na nais ng mga Pilipino na unahin ng administrasyon ang ilang mahalagang alalahanin gaya ng ekonomiya, kahirapan, job creation at paglaban sa katiwalian. (philstar)