MANILA – Mahigpit na ipatutupad ng Philippine National Police (PNP) ang pagbabawal ng paninigarilo at vape sa paligid ng mga paaralan sa buong bansa base na rin sa umiiral na batas at executive order na inilabas ng pamahalaan.
Sa panayam kahapon ng mga reporters kay PNP Public Information Office chief Police Col Redrico Maranan, sinabi nito na mahigpit nilang ipapatupad ang ordinasa sa lahat ng eskuwelahan pumpubliko o pribado man.
“Bilang tugon sa panawagan ng ating Pambansang pulisya na ipagbawal ang paninigarilyo sa mga paaralan at sa premises ng ating mga eskuwelahan ang ating pambansang pulisya ay mag-iimplement ng mga batas na umiiral, itong RA 11900 at RA 9211 at saka itong EO 26,” saad ni Maranan.
