MANILA — Inihayag ng Malacañang noong Huwebes na iniutos ni Pangulong Ferdinand R. Marcos Jr. ang pagpapalawig ng online visa application para sa mga biyahero mula sa China, South Korea, Japan at India.
Sinabi ni Presidential Communications Secretary Cheloy Garafil na inilabas ni Marcos ang kautusan sa isang pulong sa Private Sector Advisory Council (PSAC), na nagpapayo sa Pangulo sa mga patakaran ng gobyerno.
“To capture the tourism markets of China and India, PSAC has recommended the inclusion of Indian nationals under the visa-upon-arrival program and the extension of e-visa, which is currently available only for Taiwanese citizens, to Chinese, Indian, South Korean, and Japanese nationals,” wika ni Garafil sa isang pahayag.
Sinabi ni Foreign Affairs Secretary Enrique Manalo na ang kanyang ahensya ay nakikipagtulungan sa Department of Information and Communications Technology (DICT) sa pagbuo ng mga teknikal na plano para sa pagpapalabas ng e-visa.
Sinabi ni Manalo na ang DFA ay may visa-upon-arrival program na nalalapat sa ilang Chinese nationals. Ang ibang mga mamamayan tulad ng mga American, Japanese, Australian, Canadian at European ay maaaring magkaroon ng bisa ng visa sa loob ng 14 na araw sa pagdating.
Sinabi ni DICT Secretary Ivan John Uy na pinag-aaralan pa ng kanyang ahensya ang iba’t ibang connectivity matters na kailangang i-thresh out patungkol sa iba pang hurisdiksyon na gagamit ng e-visa platform ng Pilipinas.
Mangangailangan ng hindi bababa sa isang semestre upang mabuo ang kakayahan dahil napakaraming elemento ng anti-fraud na kailangang pagsamahin sa platform. Ang iba’t ibang mga bansa ay dapat ding kumonekta sa sistema at sa mga transaksyon, dagdag niya.
“The President made a recommendation for the DICT to take India’s offer for the use of its app regarding visas,” wika ni Garafil.
Inirerekomenda ng PSAC ang paglunsad ng e-visa ngayong taon upang unahin ang China at India sa programa.
Iminungkahi rin ng konseho ang pagpapatupad ng value-added tax refund program para sa mga dayuhang turista sa 2024; pag-alis ng One Health Pass o ang pangangailangan ng isang form para lamang sa kalusugan, imigrasyon at customs; pagpapawalang-bisa ng mga “luma na” na abiso at mga anunsyo sa loudspeaker sa mga paliparan, at awtomatikong pagsasama ng buwis sa paglalakbay sa lahat ng mga tiket sa eroplano.
Binanggit din ng PSAC ang mga panandaliang istratehikong rekomendasyon tulad ng pagpapabuti ng imprastraktura at operasyon ng paliparan, pagsulong ng mga pamumuhunan sa turismo at pamamahala ng pambansang tatak o imahe.
May kabuuang 2.65 milyong bisita ang dumating sa Pilipinas mula Pebrero hanggang Disyembre noong nakaraang taon, mas mataas sa 2021 tourist arrivals na 163,879 ngunit mas mababa pa rin sa pre-pandemic level na 8.26 milyon.
Layunin ng departamento ng turismo na tanggapin ang 4.8 milyong turista ngayong taon upang makabuo ng P2.58 trilyon na kita.
