OCTA: Covid-19 positivity rate sa bansa, 2.6% na lang

Share on facebook
Share on twitter
Share on telegram

MANILA — Patuloy na bumaba ang antas ng mga nagpopositibo sa COVID-19 o ang positivity rate sa buong bansa nang maitala na lamang ito sa 2.6%, ayon sa pagtataya ng independent OCTA Research Group.

Base sa datos ng Department of Health (DOH), sinabi ni OCTA Fellow Dr. Guido David sa kanyang Twitter account, na ang 2.6% positivity rate ay naitala nitong Enero 17.

Nakapagtala ang DOH ng 196 bagong COVID-19 cases nitong Enero 17 kaya’t umabot na sa 4,070,675 ang total COVID-19 cases sa bansa. Sa naturang bilang, 11,342 na lamang ang aktibong kaso.

Mayroon namang apat na pasyente ang namatay dahil sa virus sa nasabing petsa, kaya’t ang total COVID-19 death toll ng bansa ay nasa 65,618 na.

Samantala, base naman sa projection ni David, maaaring makapagtala ang Pilipinas ng 150 hanggang 250 bagong kaso nitong Enero 18.

LATEST

LATEST

TRENDING