PARIS – Ang global gross domestic product (GDP) growth ay inaasahang bababa mula 3.1 porsiyento ngayong taon hanggang 2.2 porsiyento sa 2023, ipinahayag ng Organization for Economic Co-operation and Development (OECD) sa pinakahuling Economic Outlook noong Martes.

Ang 2022 figure ay humigit-kumulang kalahati ng bilis na naitala noong 2021 sa panahon ng rebound mula sa pandemya, at ang rate ng paglago na inaasahang para sa 2023 ay mas mababa kaysa sa inaasahan bago ang pagsiklab ng Russia-Ukraine conflict.

“Asia will be the main engine of growth in 2023 and 2024, whereas Europe, North America and South America will see very low growth,” isinaad nito.

Ang mga pangunahing umuusbong na merkado sa Asya ay inaasahan ng OECD na aabot sa halos tatlong-kapat ng pandaigdigang paglago ng GDP sa 2023, habang ang mga ekonomiya sa Estados Unidos at Europa ay inaasahang bumagal.

“Held back by high energy and food prices, weak confidence, continuing supply bottlenecks and the initial impact of tighter monetary policy, annual growth in the euro area in 2023 is projected to be 0.5 percent,” sinabi ng organisasyon.

Ang ekonomiya ng Estados Unidos ay lalago lamang ng 0.5 porsiyento sa 2023, kumpara sa 1.8 porsiyento nitong 2022.

Ang mga energy market ay nananatiling kabilang sa mga masamang panganib.

“Europe has gone a long way to replenish its natural gas reserves and curb demand, but this winter in the Northern Hemisphere will certainly be challenging,” sinabi nito, na idinagdag na ang mas mataas na presyo ng gas o direktang pagkagambala sa suplay ng gas ay mangangailangan ng mas mahinang paglago at mas mataas na inflation sa Europa at sa mundo sa 2023 at 2024.

Ang pagpapabilis ng pamumuhunan sa pagpapatupad at pagpapaunlad ng mga clean energy source at mga teknolohiya ay magiging mahalaga sa pag-iba-iba ng mga supply ng enerhiya at pagtiyak ng seguridad sa enerhiya, sinabi ng OECD.