MANILA – Inihayag ng Professional Regulation Commission (PRC) na 1,768 na indibidwal lamang sa 3,472 examinees ang nakapasa sa November 2022 Midwife Licensure Examination.
Ang pagsusulit ay ibinigay ng Board of Midwifery sa Manila, Baguio, Cagayan de Oro, Cebu, Davao, Iloilo, Koronadal, Legazpi, Lucena, Pagadian, Pampanga, Rosales, Tacloban, Tuguegarao, at Zamboanga.
Ang Cavite State University ay lumabas bilang nangungunang institusyon na may passing rate na 100 porsiyento. Kasama sa iba pang mga nangungunang paaralan ang University of the Philippines School of Health and Sciences – Leyte (97.06 porsiyento), Sultan Kudarat State University – Tacurong (94.59 porsiyento), Davao Medical School Foundation (92.59 porsiyento), University of Northern Philippines – Vigan (90.32 porsiyento), Cordillera Career Development College (90 porsiyento), Mary Chiles College (86.67 porsiyento), Occidental Mindoro State College (84.71 porsiyento), Tagoloan Community College (83.87 porsiyento), at North Luzon Philippines State College – Candon (82.76 porsiyento ).
Samantala, nakuha naman ni Jonathan Calunsag Gatela Jr. ng University of the Philippines School of Health and Sciences – Leyte ang pinakamataas na puwesto sa nasabing pagsusulit na may rating na 90.10 porsiyento.
