MANILA – Nagpahayag ng pag-asa si Bise Presidente Sara Duterte noong Miyerkules na ang sektor ng negosyo ay magbibigay ng mas maraming oportunidad sa trabaho para sa mga Grade 12 graduates, sa pagdiriwang ng 48th Philippine Business Conference at Expo Philippine Chamber of Commerce and Industries.

Sa isang talumpati, sinabi ni Duterte na mahalaga ito hindi lamang para sa buhay ng mga kabataang nagtapos kundi pati na rin sa nation-building sa kabuuan.

“We have also just signed the First Time Jobseekers Assistance Act – Joint Operational Guidelines with the Department of Labor and Employment. The operational guidelines are a crucial step in the implementation of RA 11261, or the First Time Jobseekers Assistance Act. We expect more first-time jobseekers, especially our K-12 graduates, to be given the opportunity to process their pre-employment requirements immediately and cost-free,” wika niya.

Sinabi ng Bise Presidente, na siya ring kasabay na hepe ng Department of Education (DepEd), na ang mga nagsipagtapos, kapag handa na sa trabaho, ay maaaring ituring na mahalagang asset para sa mga manggagawa sa bansa.

“We are a nation comprised of young, able, and ambitious human resources. Each year, thousands of graduates join our workforce,” dagdag niya.

Hinimok pa ng education chief ang sektor na maupo sa departamento ng Edukasyon para sa pakikipagtulungan, isinasaalang-alang ang mga hamon na dulot ng hindi pagkakatugma ng trabaho.

“I invite you to come sit with us during our education stakeholders’ convergence next month to uncover opportunities for collaboration and public-private partnerships. We need transformational leadership from the business sector,” wika ni Duterte.

Nauna nang sinabi ng DepEd na sisimulan na nito ang curriculum review para sa Senior High School program, partikular para sa Grade 11 at 12 sa Nobyembre upang mapabuti ang mga estratehiya at matiyak ang employability ng mga graduates.

Sa isang hiwalay na panayam, sinabi ni Duterte na isinasaalang-alang na ngayon ng DepEd ang mga mungkahi mula sa Commission on Higher Education at ng Department of Labor and Employment.

“We are still continuing our meetings and discussions on how to make Grade 12 graduates ready for employment. Mayroon pa kaming mga ginagawa na kailangan natin ayusin sa K-12 program. But nagpauna na po ako sa ating mga business sector na kapag ready na po sila, sana ay mabigyan sila ng first priority sa hiring ng ating businesses,” wika niya.

Higit pa rito, iginiit ng Bise Presidente na batid ng DepEd ang mahinang performance ng mga paaralan sa mga international assessment, kaya kailangan ng rebyu at pinaigting na multi-sectoral collaboration.

Sa ngayon, binigyang-diin ni Duterte ang kahalagahan ng pagtulak ng in-person classes upang matugunan ang mga kakulangan sa pag-aaral sa mga mag-aaral.

Idinagdag niya na ang mga pampublikong paaralan ay handa para sa ganap na pagpapatupad nito sa Nobyembre 2.

“Meron tayong mga public schools, [that] were just waiting because they were allowed the options from August to November 2, lahat sila, yung ready na, na nag-aantay lang ng mandatory face-to-face ay mag-shift na sila to Mandatory five days in-person classes,” aniya.

Sa ilalim ng DepEd Order 44, ang lahat ng pampublikong paaralan ay magpapatupad ng buong limang araw na in-person classes simula Nob. 2, maliban sa mga binigyan ng exemptions ng mga regional director, o mga lugar na apektado ng kalamidad.