TOKYO – Ang malakas na bagyong Hinnamnor ay nagdala ng malakas na hangin sa southern Japan prefecture ng Okinawa nitong Huwebes habang ito ay muling lumakas habang lumilipat malapit sa rehiyon ng isla.

Itinaas ng Japan Meteorological Agency ang klasipikasyon ng bagyo bilang “marahas” sa umaga matapos itong i-downgrade sa “napakalakas” noong Miyerkules ng gabi, na nagbabala ng malalakas na pagbugso at pagtaas ng tubig sa Okinawa.

Ang bagyo, ang ika-11 ng season, ay inaasahang gagalaw nang mabagal sa timog ng Okinawa bago lumipat sa hilaga at malapit sa isla prefecture bandang Sabado at Linggo.

Ang ahensiya ay nagtataya ng hanging aabot sa 108 kilometro bawat oras para sa Okinawa sa Biyernes at hanggang 252 kph sa Sabado na may mga bugso na aabot sa pitong metro sa Biyernes at mahigit siyam na metro sa Sabado.

Hanggang alas-9 ng umaga, Huwebes, nasa 250 km timog ng Miyako Island ang bagyo, kumikilos ng timog-kanluran sa bilis na 25 kph. Ito ay may atmospheric pressure na 920 hectopascals sa gitna nito at may hanging aabot sa 270 kph, ayon sa ahensya.

Ang Yonhap, ang state weather agency ng South Korea, nitong Huwebes ay nag-ulat na ang “Hinnamnor” ay papalapit na sa Korean Peninsula, at ang southern resort island ng Jeju ay maaaring sumailalim sa direktang impluwensya nito sa unang bahagi ng susunod na linggo.