MANILA – Itinanggi ni Department of Finance (DOF) Secretary Benjamin Diokno noong Martes ang mga haka-haka na nasa bingit ng krisis sa utang ang bansa.
Tiniyak ni Diokno sa Committee on Ways and Means na malayo ang Pilipinas sa krisis pinansyal.
“There has been a lot of speculation regarding our debt, with the cases of Sri Lanka and some of these downgrades, maybe some reassurance from our finance officials, economic managers that we will not go that way, and that the debt is still at a manageable level?” tanong ni Senador Sonny Angara kay Diokno.
Sinabi ng DOF chief na ang bansa ay palaging maingat sa kanilang mga pangungutang, na binanggit ang mga tax reform law na ipinasa ng Kongreso bilang “kritikal” sa pagpapanatili ng ekonomiya sa gitna ng Covid-19 pandemic.
“I can assure you that we will not go Sri Lanka’s way. We’re very careful with our borrowings. In fact, the treasurer said I think most of our debts are long-term,” wika ni Diokno, na nagbibigay ng kredito sa kanyang hinalinhan na si Carlos Dominguez, na aniya ay tiniyak na ang bansa ay umutang ng may pinakamababang posibleng interes.
“I think we should be able to service whatever we borrowed down the road. So, I can assure you that in fact, that is the purpose of the medium-term fiscal framework — to make sure that we don’t go the Sri Lanka way,” dagdag niya.
Isang ulat ng DOF noong Mayo, o isang buwan bago ang pagtatapos ng administrasyong Duterte, ay nagpakita ng Tax Reform for Acceleration and Inclusion (TRAIN) Act, mga tax amnesty program, at mga “sin” tax law na nagtaas ng humigit-kumulang P68.4 bilyong kita noong 2018; PHP134.7 bilyon noong 2019; PHP144 bilyon sa 2020; at PHP228.6 bilyon noong 2021.
Ang TRAIN, na nilagdaan noong Disyembre 2017, ay nagdulot ng malaking pagbawas sa income tax para sa karamihan ng mga nagbabayad ng buwis na Pilipino habang nakalikom ng karagdagang pondo upang makatulong sa pagsuporta sa pinabilis na paggasta ng pamahalaan sa mga programang imprastraktura at serbisyong panlipunan nito na “Build, Build, Build”.
“This tax reform package corrects a longstanding inequity of the tax system by reducing personal income taxes for 99 percent of taxpayers, thereby giving them the much needed relief after 20 years of non-adjustment of the tax rates and brackets” wika ng DOF.
Kamakailan, inanunsyo ng gobyerno ng Sri Lanka na ito ay hindi nagbabayad sa mga utang nito, na ginagawa itong kauna-unahang soberanong bansa na nag-default mula nang magsimula ang pandemya.
Naubos din nito ang mga reserbang pera nito na nagresulta sa kakulangan ng pagkain, gasolina, gamot, at kuryente, na humantong sa pagbibitiw ni Pangulong Gotabaya Rajapaksa, na napilitang tumakas sa bansa dahil sa malawakang protesta.
Upang makatulong sa pagtitipid ng mga suplay, nagsara ang mga paaralan at hiniling sa mga tao na mag “work-from-home”.
