MANILA – Itinalaga ni Pangulong Ferdinand Marcos Jr. ang personalidad sa telebisyon na si Arnaldo Arevalo “Arnell” Ignacio bilang pinuno ng Overseas Workers Welfare Administration (OWWA), inihayag ng Malacañang nitong Miyerkules.
Kinumpirma ni Press Secretary Trixie Cruz-Angeles ang appointment ni Ignacio sa isang pahayag.
“We confirm the appointment of Mr. Ignacio as Executive Director Admin. V of the Overseas Workers Welfare Administration,” wika ni Cruz-Angeles.
Hindi pa naglalabas ang Malacañang ng kopya ng appointment paper ni Ignacio.
Ang OWWA, sa kanilang opisyal na website, ay nagsabi na ang tungkulin nito ay protektahan at itaguyod ang kapakanan ng mga overseas Filipino workers (OFWs) at kanilang mga pamilya.
Inatasan din itong magbigay ng tulong sa mga OFWs at mag-alok ng livelihood training at mga programa para sa kanilang reintegration.
Sa kanyang unang State of the Nation Address na binigkas noong Hulyo 25, binigyang-diin ni Marcos ang pangangailangang magtakda ng mga patakaran at programa na naglalayong pagaanin ang pasanin ng mga OFW.
Itinalaga rin si Ignacio sa OWWA bilang deputy administrator sa ilalim ng pagbabantay ng hinalinhan ni Marcos na si dating pangulong Rodrigo Duterte.
Ignacio first joined the OWWA in 2018 but quit his post in February 2019, citing “personal reasons.”
Noong Abril 2019, inihayag ni Ignacio na nagtapos siya ng political science degree sa University of Makati.
Nagsilbi rin si Ignacio bilang assistant vice president para sa community relations at services sa Philippine Amusement and Gaming Corp.
Siya ay muling hinirang bilang OWWA deputy administrator noong Setyembre 2021, sabi ni Cruz-Angeles.
“He was reappointed in September of last year to the same post and will now occupy the position of Administrator, vice Hans Cacdac who will be serving as Usec (Undersecretary) of DMW (Department of Migrant Workers) on Welfare and Foreign Employment,” wika niya.
Sinabi ni Cruz-Angeles na ang pinuno ng Philippine Overseas Employment Administration (POEA) na si Bernard Olalia ay magsisilbing officer in charge (OIC) ng ahensya.
“POEA Admin. Bernard Olalia will be Usec. for Licensing and Adjudication. He will be the OIC of POEA until such time that the department is deemed fully constituted on the approval of the 2023 budget,” aniya.
Sinabi ni Cruz-Angeles na si Venecio Legaspi, isang dating OFW, ay itinalaga rin bilang assistant secretary para sa reintegration.
“For reintegration, a former OFW for 29 years – Venecio Legaspi, who worked for several years in Jeddah, Saudi Arabia has been appointed. He rose from the ranks to assume the post of vice president in a prominent Saudi Bank,” wika ni Cruz-Angeles.
