Phivolcs: Taal, naglalabas muli ng mataas na antas ng volcanic sulfur dioxide

Share on facebook
Share on twitter
Share on telegram

MANILA – Ipinahayag ng Philippine Institute of Volcanology and Seismology (Phivolcs) na ang volcanic sulfur dioxide (SO2) na ibinuga mula sa pangunahing bunganga ng Taal noong Linggo, Agosto 7, ay lumampas sa 17,000 tonelada—ang pinakamataas na SO2 emission mula nang ibaba ang alert status ng bulkan sa Level 1 noong Hulyo 11.

Sa 11:30 p.m. advisory, sinabi ng Phivolcs na ang Taal Volcano ay nagbuga ng 17,141 tonelada ng SO2 noong Linggo ng umaga.

Itinuro nito na ang average SO2 flux mula noong Hulyo 15 ay nasa 6,041 tonelada bawat araw—mas mataas kaysa sa average na 1,289 tonelada bawat araw sa pagitan ng Mayo at kalagitnaan ng Hulyo 2022.

Increased degassing has been visible in the form of upwelling in the main crater lake and voluminous steam-rich plume activity in the past three days,” inihayag ng Phivolcs.

Nagbabala ito sa airborne volcanic gas na maaaring maanod sa pangkalahatang silangan hanggang kanluran ng Taal Volcano Island, batay sa air parcel trajectory data mula sa Philippine Atmospheric, Geophysical and Astronomical Services Administration.

Sa nakalipas na 24 na oras, nagkaroon din ng tatlong pagyanig ang Bulkang Taal na tumagal ng siyam.

Pinaalalahanan ng Phivolcs ang publiko na Alert Level 1 ang nangingibabaw sa Bulkang Taal, na nangangahulugan na ito ay nasa abnormal pa rin na kondisyon.

Should an uptrend or pronounced change in monitored parameters forewarn of renewed unrest, the Alert Level may be raised back to Alert Level 2,” wika nito.

Conversely, should there be a return of monitoring parameters to baseline levels after a sufficient observation period, the Alert Level will be further lowered to Alert Level 0,” itinuro nito.

Sa ilalim ng Alert Level 1, maaaring mangyari ang biglaang steam-driven o phreatic explosions, volcanic earthquakes, minor ashfall at lethal accumulations o expulsion ng volcanic gas at nagbabanta sa mga lugar sa loob ng Taal Volcano Island (TVI).

Phivolcs strongly recommends that entry into TVI, Taal’s permanent danger zone or PDZ, especially the vicinities of the main crater and the Daang Kastila fissure, must remain strictly prohibited,” isinaad nito.

LATEST

LATEST

TRENDING