MANILA – Inanunsyo ni Department of Budget and Management (DBM) Secretary Amenah Pangandaman nitong Martes ang paglulunsad ng pangalawang opisyal na Facebook page ng DBM na “Usapang Budget” na naglalayong kumonekta at maiugnay ang mga alalahanin sa badyet sa mga ordinaryong Pilipino.

Sinabi ni Pangandaman na ipaalam nito sa mga tao ang pinakabagong impormasyon sa badyet at paggasta ng gobyerno sa isang nakakaengganyo, hindi gaanong teknikal na paraan.

“In the spirit of good governance, we want to reach out to more people to let them know what (the) government is doing with their money in a way that even the common folks will understand,” wika niya. 

Itatampok ng Usapang Budget ang mga update sa mga plano, programa, aktibidad, at proyekto ng administrasyon sa paraang madaling maunawaan ng publiko.

Binigyang-diin ni Pangandaman na ang Facebook page din ang magiging plataporma para sa pinakabagong inisyatiba ng DBM na may parehong pangalan.

“The page will live stream DBM’s newest digital program of the same title, in line with President (Ferdinand) Bongbong Marcos’ thrust to institute mechanisms for transparency and accountability,” wika niya.

Sinabi ni Pangandaman na magiging mas interactive ang Usapang Budget.

“Dito po, aside from explaining kung paano mag-budget ang gobyerno at kung saan ginugugol ang pondo ng bayan, maaari din pong magtanong ang mga tao upang sila’y maliwanagan,” dagdag niya.

Hinikayat ni Pangandaman ang publiko na i-like, i-follow, at i-share ang Facebook page ng Usapang Budget.