Marcos pinangalanan si Azurin bilang bagong PNP chief

Share on facebook
Share on twitter
Share on telegram

MANILA – Itinalaga ni Pangulong Ferdinand Marcos Jr. si Lt. Gen. Rodolfo Azurin Jr. bilang bagong hepe ng Philippine National Police, inihayag ni Press Secretary Trixie Cruz-Angeles nitong Lunes.

Nagtapos ng Philippine Military Academy (‘Makatao’ Class of 1989), si Azurin ay kasalukuyang kumander ng Northern Luzon Police Area na binubuo ng mga rehiyon ng Ilocos (Region 1), Cagayan Valley (Region 2), Central Luzon (Region 3) at ang Cordillera Administrative Region.

Si Azurin ay dating commander din ng Southern Luzon Police Area na kinabibilangan ng mga rehiyon ng Calabarzon (Cavite, Laguna, Batangas, Rizal, Quezon) – Region 4-A; Mimaropa (Mindoro, Marinduque, Romblon, Palawan) – Region 4-B at Bicol (Region 5).

Si Azurin ay isang mahusay na opisyal ng pulisya, na nagsilbi sa PNP sa iba’t ibang mga kapasidad, kapwa sa mga operasyon ng pulisya at administratibong gawain.

Naghawak siya ng mga posisyong star-rank sa Camp Crame bilang direktor ng Directorate for Comptrollership (DC) gayundin ang Directorate for Information and Communication Technology Management (DICTM).

Bilang bagong na-promote na police general, si Azurin ay nagsilbi bilang direktor ng Maritime Group at kalaunan bilang regional director ng Police Regional Office 1 sa Ilocos.

Bilang middle-grade police officer, si Azurin ay nagsilbi bilang provincial director ng Benguet Province. Nagsilbi rin siya bilang Chief Task Force Limbas ng Highway Patrol Group (HPG) at naging Deputy Operations Officer din ng Presidential Anti-Organized Crime Task Force (PAOCTF).

Bilang junior officer, itinalaga si Azurin sa iba’t ibang field units at opisina na kinabibilangan ng mga sumusunod: 1st Special Action Company sa Parang, Maguindanao; 231st Philippine Constabulary (PC) Company sa Quezon Province; Police Aviation Security Command — kasalukuyang Aviation Security Group (AVSEG); Criminal Investigation Service Command — kasalukuyang Criminal Investigation and Detection Group (CIDG); Office of Internal Security (OIS); Department of Interior and Local Government (DILG); Health Service; Police Community Relations Group — kasalukuyang Police Community Affairs and Development Group (PCADG); gayundin ang Directorate for Personnel and Records Management (DPRM).

Si Azurin ay ipinanganak noong Abril 24, 1967 sa Paniqui, Tarlac at lumaki sa La Trinidad, Benguet. Siya ay kasal kay Mary Grace Lino at may tatlong anak: sina Martin, Ninna at Aaron.

LATEST

LATEST

TRENDING