MANILA – Pinaalalahanan ng Department of Health ang mga food company na mag-reformulate at alisin ang trans fatty acids (TFA) mula sa kanilang mga produkto bago ang Hunyo 18, 2023.
Sa media forum sa Quezon City nitong Miyerkules, sinabi ni Department of Health Undersecretary for Public Health Services Team Beverly Ho na ang mga non-communicable disease (NCDs) tulad ng cardiovascular disease ay isa sa mga nangungunang sanhi ng pagkamatay sa bansa.
Ayon sa World Health Organization (WHO), humigit-kumulang 2.64 porsiyento ng mga namamatay mula sa coronary heart disease o pagbabara ng suplay ng dugo sa puso ay dahil sa fatty substance na naipon sa coronary arteries at iniugnay ito sa TFA.
Ang TFA ay tinukoy bilang manufactured fats sa panahon ng hydrogenation — isang proseso na nagpapatatag ng mga polyunsaturated oil upang maiwasan ang mga ito na maging lipas at panatilihin itong solid sa temperatura ng silid.
“Yet, TFA is used in various baked and pre-packaged food products,” wika ni Ho. “To address this, last July 2021, the DOH issued Administrative Order No. 2021-0039, the national policy to eliminate industrially-produced TFA from our food supply.“
Sinabi ni Food and Drug Administration Director Pilar Marilyn Pagayunan na lubos nilang sinusuportahan ang kampanya ng kagawaran na alisin ang industrially produced TFA sa supply ng pagkain upang maiwasan at makontrol ang mga NCD.
“The FDA recognizes the crucial role of food business operators’ compliance in achieving the country’s goal of eliminating industrially produced TFA , thus it has issued FDA Circular No. 2021- 0028 on Guidelines for Prepackaged Processed Food Products,” aniya.
Ginagabayan din ng circular ang mga food business operator na gumagawa ng prepackaged processed food sa transition period na inaasahang tatagal hanggang Hunyo 18, 2023.
“Thereafter, FDA will include the monitoring of TFA in fats, oils and other processed foods in the annual post marketing surveillance plan for the monitoring of regional field offices inspectorate to check on the sustained compliance of the food business operators to ensure TFA is no longer in the market’s processed food supply chain, otherwise appropriate regulatory action shall be imposed,” dagdag niya.
Ang Imagine Law Executive Director na si Sophia San Luis, isang public interest group, ay nagsabi na ang TFA ay maaari ding alisin sa pamamagitan ng paglikha ng isang kapaligiran na nagtataguyod ng malusog na mga pagpipilian para sa mga Pilipino.
“Heart disease is not only the leading cause of death for Filipinos, it also leads to more severe Covid-19 outcomes. By eliminating TFA, we are one step closer to building a healthy and resilient Philippines,” aniya.
Ang lahat ng mga formulation ng produkto at mga label ng prepackaged processed food na may TFA na gawa ng industriya ay dapat sumunod sa mga alituntunin na nakasaad sa DOH Administrative Order No. 2021-0039 at ang FDA Circular No. 2021-0028, sabi ni Pagayunan.
Ang paglabag sa alinman sa mga probisyon ng administrative order at ang FDA circular ay magiging batayan para sa hindi pag-apruba, pagsususpinde o pagkansela ng certificate of product registration ng mga food manufacturer.
